كلمات اغنية كايد الشوق ناصر العيافي 2018

عيني ظمت لك شوف من كايد الشوق

وغيرك تمناها وهي ماظمت له

بين الحنايا خافقٍ منك مسروق

وأيام وصلك بالوصل ماصفت له

فيني ضيا شمسٍ بلا موعد شروق

سالت غرام بخافقك وأشرقت له

ياللي بشوفك كل مافيني يروق

ونفسٍ تحبك كل دربٍ عنت له

غلاك لاعانق سما الوجد من فوق

تعلقت روحي بسماه ورقت له

يطرى علي بكل الأوقات وأتوق

فيني غيومٍ أبرقت وأرعدت له

ومضٍ بقلبي له وغدران من شوق

وأجمل مشاعر خافقي قد همت له

تمطر سما ذا الكون وتبرق له بروق

والنفس غيّم جوها وأمطرت له

حبه يزاحمني شرايين وعروق

من بد كل الناس روحي هفت له

وإن قلت بانسى من المخاليق مخلوق

هبّت هبايب ظامري واعصفت له