كلمات اغنية مرثية ناصر العيافي 2024

مرثية

سرى ليلي اسامر وجار الحطب والنار

هواجيس تاخذبي والاخرى توديني

ادور سلاة الروح واقول ياستار

ولا به بعد حيي حي يسليني

وانا مسلم مؤمن ولاني من الكفار

على الحق والسنة عسى الله يهديني

/ولا اشكي امر ربي الواحد الغفار

مليك الملوك اللي من النار ينجيني

انا اشكي فراق اللي عسى موعده بانهار

وانهار بالجنة عليها يلاقيـني

عشير نحى عني وانحت به الاقدار

وحكم القدر ماله يسار ولا يميني

بعد لبسوه اكفان وجابوه للانظار

وقلت آخر النظرات شوفيه ياعيني

وفوق الجبين اللي عسى ما ينوش النار

بجاه الولي وحق طه وياسيني

قبلتها قبلة وكن بالحشا منشار

على ثومة فوادي يقطع شراييني

ومن شان من جانا حشمه وله مقدار

تصبرت لين اقفو جموع المعزيني

وهليتها عبرة وقامت تزيد عبار

اكفكف دموع العين وعيني تعييني

.

وابكيت من حولي ولج البكا في الدار

وحتى عذولي في بكاية يلاحيني

.

يقولون تا تدله عنه والزمن دوار

وتلقى بداله في البني المزاييني

.

وانا حالف ما نساه ولو كثرو الحضار

ووين العشير اللي بداله ينسيني

.

مرحوم ياخل في سيرته تذكار

كما العنبر الفواح عند السلاطيني

.

ليا جيتله صلفان من طولة المشوار

قباله ليا مني لفيته يكفيني

.

ويفرح ليا قلت العشا فيه جو خطار

مقامه ليا جات العزايم ينشميني

.

وليف لجا حبي بقلبه ولا به غار

وانا احبها حب عن الناس معميني

سلامي عليها عد ما هلت الامطار

وما سال من ماها ورش الوداديني