كلمات اغنية قبل النوم نبيل

 قبل النوم

إيه اللي مصحيك دلوقت

مستني يعدي الوقت

ولا منك قومت وفوقت

ولا حتى إرتاحت ونمت

سرحان باصص للسقف

ومشبك كف ف كف

راصص أحلامك صف

وهمومك مش بتخف

كابس عليك النوم

ولا كابسة الهموم

قلقك بيجيلك يحكيلك حدوتة كل يوم

ساعات جابت ساعات عمّال تقلب في حكايات

قلقان من اللي جاي ولا خايف من اللي فات

مش عارف كان حقيقي ولا كله تهيؤهات

اللي فات

أحلام مصحياك مش بتخليك ترمش عينيك

بتقلب في اللي فات أي حاجة جات عليك

لو تغفل ثانية تلقى حلم بيكتف إيديك بيصحيك

بتروح من حلم لحلم

مابقاش في حاجات بتهم

وفي درجة ليها وصلت

راحتك في الوحدة أهم

قلقان سهران للصبح

مش لاقي لحالتك شرح

أصلا ده مكانش يصح

نطلع من جرح لجرح