كلمات اغنية مهداة الى الشيخ بدر بن مناحي بن جدي بن زريبه نمر الجذع 2024

مهداة الى الشيخ بدر بن مناحي بن جدي بن زريبه

ياسلام الله سلام(ن) مثل سبع النجوم

منزلتها ف السما فوق ماهي ف الثرا

بسم ابو بندر واسم بدر عن رد الوهوم

طيبن ماياخذ الطيب من راي شورا

يقتبس من مخ راسه عسا راسه يدوم

صيرمين فيه نخوه وولعاني ذرا

الشجاعه والكرم ورثهم من دون سوم

جد ابوه الي يثوثي بروس الفطرا

يامناحي يا ولد جدي زيزوم العلوم

ذخر شوخن ياخذون اومراء الناس ايسرا

يمنعون الشوخ كلن على قبن قحوم

من سروج الخيل ولا ضهور الضمرا

يشبعون الذذيب وطيور نجد الي تحوم

وياخذون من الغنايم ويحذون فقرا

اذكرو تاريخ الابطال ولا البوم بوم

من درا عنها يعلم به الي مادرا

اذكر الركنه وهاك الموارد والحزوم

واذكرو تاريخ رمحه وردات البرا

يوم قال زريب ياقوم جيناكم بقوم

والدروب ثنين كلن يسو الي يرا

ارحلو ياقوم ولا احضرو يوم الهجوم

عقب بكره طلعت الشمس مافيه قصرا

بالعواني نجد ماننزله لو نص يوم

العواني ماس دهم الفرنج اليا امطرا

الك ولا النا ومن طاح جعله مايقوم

ماجمعنا بطن واحد ولا حن بخشرا

ويوم ابل غنام وخذت وجا ضرب السهوم

من لحقهم شاف روكاتهم عود ورا

ثم لحقها علي بالاد عسااف القروم

ععزوتن ف الحرب تموت ولا تنصرا

من عصر لين السما باينت فيه النجوم

دونها بالسيف والشلف باع ومشترا

اسمنا الجذعان ياغفلن ف النوم قوم

وراجع التاريخ حتى تعرف الي جرا

اذكر الصواي يومن مهو بيات يوم

وقعتن تشهد عليها قبايل وشعرا

ويوم جو لبسات الجوخ من فوق الهدوم

خلو السندي صوابه يطول مابرا

خمسة الجذعان قالو ياريف يارحوم

وافعلو في هلل الجوخ فعلن يذكرا

ابك حنا فالمواقف ليا جات الزوم

مانوردها محاميل وتعود عرا

ماتلين ارقابنا ف الحاريب للخصوم

لو يلين الصلب والا الحجر يصبح غرا

عزوتن من طبعها للعدا لطم الخشوم

خلت الاتراك تسري وتصبح ف انقرا

لانثنو دون المغاتير والملحا الردوم

روح شيل طويق ولا تعال اققلع كرا

شوخنا الزربان مثل البحرو الي تعوم

من على عشرت جدود اومرا سد اومرا

رجلهم ماياخذ الراي من روس الرخوم

يقترح من مخ راسه ويمشون اجهرا

يابدر يا بن مناحي عسا عزك يدوم

شيخ وابن شيخ وامير من روس اومرا

جدك الشغار يا بدر عن رد الوهوم

شيخ قومن ف المواقف تعاند وتعرا

من خوالك خمسةً وصفوهم ب النجوم

سجتلها الصحف للي كتب والي قرا

وانت ناسبت الدهايا قويين العزوم

ذخر شراب الفناجيل والعالم ترا

فاجر الي لا تعلى على القبا القحوم

ضربته بالرمح من قدم ماهي من ورا

ويابدر مبروك عرسك عسا حظك يقوم

بارك لله لك وبارك عليك مكررا