كلمات اغنية أحداث الليالي نياف تركي 2019

أحداث الليالي

مـثـل مـايـجـود الـصـبـح بـالـنـور لـلـعصفور

تـجـود الـنـفـوس الـمـحـسـنـه مـن مـحـاسنها

تــوزّع مــحـاسـنـهـا مـحـبـة وصـدق شـعـور

وكــم ســابــحٍ فـي خـيـرهـا مـعـرضٍ عـنـهـا

الا يـالـخـفـوق الـلـي تـشـيـل الـوفـاء ماجور

مـشـاعـرك فـي تـالـي الـزمـن مـن يـثـمـنـها

يـاحـزنـي عـلى الطيب من الخاطر المكسور

لــيــا رفــعــت الانــذال فـي غـيـر أمـاكـنـهـا

نــفـاق الـمـصـالـح يـزرع الـكـبـر فـالـمـكـبـور

ويـعـطـي جـزا الـحـسـنـات مـن لاتـحـسـنها

وبـعـض الامـل مـثـل الـتـهـقـواي فـالـمـثـبـور

مــاودّك رجــاك ولــهــفــتــك فــيــه تــرهـنـهـا

لــو انّــك مــاتــمــلـك غـيـر حـريّـة الـمـجـبـور

عــلــى نــظـرة عـيـونـه وصـمـتـه تـحـسـنـهـا

ولا اشـبـعـت طـرفـك مـن تـبـسّـامـة المسرور

تـخـيّـل شـعـور الـلـي حـرمـه الـزمـن مـنـهـا

شـعـور الـسـعـادة وردةٍ وسـط أراضـن بـور

لها غـيـث يـسـقـيـهـا وعـاصـوف يـدفـنـهـا

اعــوذ ابــك يالله مــن تــنــهّــاتــة الــمـقـهـور

ومــن دمــعــةٍ تــفــرح بـهـا الـعـيـن غـابـنـهـا

ومـن قـلـبٍ اسـود مـال الايـمـان وسـطـه نور

ومــن فــجــعــةٍ مــايــقــدر الــعــقـل يـمّـنـهـا

لاحـطّ الـنـصـيـب الامـنـيـة مـطـلـبٍ مـحظور

تــبــث الــقـلـوب هـمـومـهـا فـي مـسـاكـنـهـا

ياكم شاب راس وضاق صدر وبكى معسور

ســبــب حــاجــةٍ يــركــض لـهـا مـايـعـيّـنـهـا

مـن الـحـزن حتى في صدور الطيور اومور

تــخــفّــي ورى تــغــريــدهــا مــايــحــزّنــهـا

ومـن قـلّـطـه جـور الـلـيـالـي عـلـى الـمـيسور

تــســلّــق طــمــوحــه مــايــغــيّــر تــوازنــهـا

يـحـسّـه بـنـفـسـه لا انـفـرد وأظـهـر المستور

وأزاح الــثــقــة والــكــبــريـا الـلـي يـبـيّـنـهـا

وقــلــبٍ بــلا حــبّ ووفــا مــنــزلٍ مــهــجــور

مــاتـلـقـى بـه ضـيـوف الـثـقـة مـايـطـمّـنـهـا

ســلامــات يـالـطـايـح بـعـجّـة شـهـود الـزور

تـبـي لـك حـقـيـقـة خـنـجـر الـوقـت طـاعـنها

سـلـبـهـا الـزمـن سـلب الإرادة من المسحور

ولا بــاقــيــن مــن عــزمــهــا مــايــمــكّــنــهـا

تـهـاوت ومـاتـت فـالـسـرى مـالـحـقـها الدور

ولا عــنــدهــا الــلا ظــالــمــن مــايــزبّــنــهــا

والاســرار مــوتـى مـعـركـة والـصـدور قـبـور

نــحــزّن ونــبــكــيــهــا وفــالـصـدر نـدفـنـهـا

غـفى الماضي المنسي ورى الماضي المذكور

عــلــى قــاســي أحـداث الـلـيـالـي ولـيّـنـهـا