كلمات اغنية الأماكن نياف تركي 2022

الأماكن

يالغزال الذايره كلك غرور ونرجسيه

والاماكن كلها من جيتك صوتن يحيي

يا زعولن ماتغارين الا من نجد العذيه

من عرفتك والسهر روتين والمسرى خويي

ليت جياتي بعينك غاليه واجمل هديه

والاماكن ليتها لاجيت تدري عن مجيي

والله ان احساسي من يومين اشاعه مقطعيه

مستحيل انه يخيب و تطرحه كبوات غيي

لو تظاهرتي بضحكه قلت هذي مسرحيه

ليه قلبك مايفز لصوتن ينادي سميي

لايكون احساسك ابرد من جليد العقربيه

خابرك شمسن لهيب اشواقها مقباس ضيي

يالاصيله فالعذارى والوحيده فالبريه

ماتبعت بدنيتي غير انتي وسنة نبي

ماخذن وصلك غناه وشوفتك كسب ضحويه

كل مامرتبك الخطوه على دربي وحيي

شاعرن لمواصلك ضحية واصبحت الضحيه

فالزمن ذا مستحيل ان فيه واحد حب زيي

كلهم عاشوا وماتوا فالعصور الجاهليه

وسكة العشاق فيها الموت حاضر ومتهيي

قد حصلي مبطي بروفه لسكرات المنيه

من ثمانك والعيون الناعسه يابعد حيي

ماذبح قيس الملوح غير ليلى العامريه

وان حصل لي ذبحتن مثله معك والله ماعيي