كلمات اغنية الذكريات نياف تركي 2019

الذكريات 

دلهو خاطري ماهوب والله تمام

لاتزيدون نفسي فوق طاقاتها

سولفو بالطرايف عقب رد السلام

لو الاجواد ماقبل بعض مزحاتها

صاير لي على ذا الحال تقريب عام

اغبط اهل الضحوك بزين ضحكاتها

كل ماسولفو سرّحت الم الحطام

ول افطن الا ليا من زادت اصواتها

خيم الحزن في صدري وبنا الخيام

في ضلوعن خطرها من تنهاتها

ومن نشدني علامك قلت وضع الدوام

فيه شده واخذ من نفسي اوقاتها

صرت اقلل كلامي عن كثير الكلام

مبغي الناس (تاخذني) بشكاتها

وكل ماسمع هروجن نصها مايسام

قلت مالي ورا العالم ونياتها

مايحذف الهروج الا عيال الحرام

صاير اقوا من ام جنيب قرصاتها

لو هروج العرب ماعطيتها الاهتمام

تختلف عن قناعاتي قناعاتها

لين بعدت عنهم لاجل كثر الملام

ومعتزل جمعة اصحابي وجلساتها

وانا والله حزام لمن بغاني حزام

والنشاما مجي من دون هقواتها

حتى قامت تنرفزني صفوف الزحام

والمدينه ماواطن ضوح لمباتها

وكل ماحل من بعد العصير الظلام

شنت الذكريات جيوش غاراتها

لاتناخت عليه بالهمام الهمام

ضاقت الارض في عيني مساحاتها

ويوم تضوي بطيف الجادل ام اللثام

من على النفس يطري تكتب اوصاتها

من سبب حر فرقاها ونار الغرام

بادين من علئ وجهي علاماتها

بنت اكابر لها حشمه وقدر ومقام

تفتخر في قبيلتها وفي ذاتها

تااخذ من الظبي عين ورشاقة قوام

وياخذ الحر الاشقر من تلفاتها

من وسع عينها تعكس بريق الزمام

الله اكبر على النجلا ونظراتها

كيف حِطّ الزمام بجنب حد الحسام

اه ياروعة المنظر وروعاتها

لامشت كن الارض تعيش جو انسجام

اتلذذ بمشيتها وخطواتها

مستقيمه ولكن عودها ماستقام

يتثنى مع الغيمه ونسماتها

اسمها من ثلاث حروف مافيه لام

وحرف يكتب ويلغى حسب رغباتها

شيخة الوضح ماعلق عليها الخطام

بكره وبندقيه من سمياتها

هي وانا قصةً معلّن عليها الختام

حسب حكم الظروف وحسب لوعاتها

لاسمعت ماكتبته لاتعض البهام

ترجع بكل حاجه مع فروقاتها