كلمات اغنية الضرير نياف تركي 2020

الضيرير اللي يشكوي على نفسه ضرير

ماحشم نفسي ونفسي سكاته حشمها

مكتفي واميز الناس بعيون البصير

معي مايكفي بياض الليال وعتمها

من تحضن نومة الليل واضحوك الغرير

ماعطت عينه سهوم الليالي قسمها

شايفٍ رمشي مفتل من الشر الشرير

ولاحفظ لي غير نشم المشاعر نشمها

مادر اني كم سنه عايشٍ وضعٍ خطير

كاتمن لي ونةٍ هد حيلي كتمها

من لمح حلمه مابين المغذي والسرير

يمكن الشمس الكبيره مايعطيك اسمها

ويمكن يعيش اغلب الوقت مجهول المصير

لو يطالع ساعته ماعرف كم رقمها

ياسمير الجو ماهوب جوك ياسمير

ياهشم حالي علي اللي طرت ياهشمها

سولي مبرومة العنق من صافي ضمير

وكثر اللي حب راسه يحالي وشمها

انا ماركز ولا اقاوم الجرح الكبير

لين تاخذ شفة الصين حبة خشمها

والله ان مقاومه بين نار وز مهرير

طلقةٍ يفتق ستار المشاعر صتمها

جرحٍ يهز الرياجيل ويرغ البعير

واليمامه منه ضام الجليله جسمها!

لا انحفر جرح المحبه ورى الضلع القصير

بان في محاجر عيون اهلها رسمها

تحت ظغط الرغبه يسّير اللي مايسير

والسلوم تقيد الراغبين بحكمها

كيف ترجع ليلة العاشقين من الاخير

ليلةٍ على كبود الليالي وسمها

يوم نكشف حجم ضيق الحرير من الحرير

والحنان اللي ينسِ اليتامى يتمها

والليان اللي يخاصم وكنه يستشير

فالحمول اللي تقول ان لينه خصمها

والعبير اللي تفرد عن انوع العبير

كنه يقول العطورات جايز شتمها

ماركه للي يعرف الشهيق من الزفير

منطبع بين الثنين الولايف ختمها

مارسم خاتم سليمان فالكف الشطير

الا يبغى عيني تحط كفي قدمها