كلمات اغنية الطواري نياف تركي 2023

البال كل الطواري جات تطري به

يعشق صحارى الفلا والمرقب العالي

ياماخذ القلب مني رده وجيبه

ما هو بحق ٍ تتل القلب يالغالي

الشوق واجد بقلبي ويش اسوي به

أهيم ويسج فكري في خلا ً خالي

أشب ضوي ويعيد الفكر ترتيبه

اسرح بطيفك واشوفه ساكنٍ بالي

هواك سيلٍ بقلبي قام يجري به

ينساب بأقصى الحنايا منك متوالي

الغيم حبك وأنا اشربه واروي به

يازين ذاك السحاب اللي تهيا لي

ياللي بضلوعي لمكانك قدرٍ وهيبه

اقلط تقهوى الغلا وصبه من دلالي

مهما مضى العمر مهما طالت الغيبه

بكرا تزين الليالي وكل الاحوالي

إن جيت يامرحبا مليون ترحيبه

ولا ابطيت تدري فؤادي ماهو بسالي

بأسألك قلي عسى ذا الشوق تدري به

أكيد تدري وحالك يشبه لحالي

دعيت من يستمع للعبد ويجيبه

ومالي سوى الله تراني ب اول وتالي

يا الله تحقق لخفاقي مطاليبه

ربي وربي العطايا منّه جزالي