كلمات اغنية المبسم الوضاح نياف تركي 2024

سقاك الحيا يادار ابو مبسم وضاح

بنو ً من المنشا ترزم لك قنوفه

سحابً يخلي وحشة الليل قصر افراح

ليا جا تدق طبوله وتلمع سيوفه

ابو ناظر ً لا سلهم برمشه الذباح

يفج الجموع ويهزم القوم بصفوفه

حبيبً ولاني ف المحبة بدون سلاح

مثل ما ولى الحجاج ابن يوسف الكوفه

يزيح الشعر عن غرة ً كنها مصباح

وصدرً تقول الشمس تشرق تحت جوفه

ولا من نطحك بلبة ً عطرها فواح

تقول ان اياديّه من خلاف مكتوفه

وتحس انه ليا من وقف ماهو بمرتاح

وانا اعرف وش يتعبه لا طول وقوفه

ثقيل ً نحيل ً هيّن ً ليّن ً مزاح

يعرّض لك بزينه ويحرمك من شوفه

عطيته سنين من العمر والسنين شحاح

تعدت وانا ماضمت كفوفي كفوفه

لو ان المشاعر صادقة والقلوب صحاح

ولو ان المحبة بين الاثنين منصوفه

ياعنك الظبي لو يدري انه بسبع ارواح

مـ كب التذير عنه ولا ترك خوفه