كلمات اغنية النادره نياف تركي 2021

يا قلبي لا تجادلني بعد ضاقت بي الانسام

‏‎وسلّمت الأمر لله .. سبحانه وما راده

رفعت الراية البيضاء ماهو من ضعف واستسلام

‏‎حياء وجهي ما يرضى موقف ٍ ماهوب معتاده

لا تحرجني .. وانا نفسي تحبّ العزّ ما تنلام

‏‎ولا تقبل تجي للذل والحقران منقاده

حبيبك شمّع أبواب المحبّه من زمان العام

‏‎لقيت الشمع الأحمر فوقها يشرح لي مراده

رمى عهد الحبايب خلفه وقال الجفاء قدام

‏‎تركني لأمري الواقع مابين الجرح وضماده

بدون أسباب معروفه تناسى سالف الايام

‏‎تصاغرني وانا اكبر من حفظ له ملحه وزاده

دريت ان القطيعة رغبته وان الغرام اوهام

‏‎وانا اللي كنت أظن الحبّ .. حنّا سادة اسياده

بعد ما كبّر بقلبي .. وصلّى به صلاة قيام

‏‎نسى بين الضلوع الحانية سبحه و سجّاده

تحلّق ذكرياته كلّ ما طيفه بعيني حام

‏‎تحرك خاطر ٍ محروق من شعلة توجّاده

وأروح برحلة ٍ ماهيب للراحة والاستجمام

‏‎تسافر بي بدون رضاي في رحلة تنهّاده

طويت الآه في صدري بصمتي مثل طيّ الخام

‏‎ادراي هيبة الرجال حيث الناس نقّاده

حنيني له يقيدني ويسجني بدون احكام

‏‎لا مرت في خيالي صورته وثق بي قياده

لو انك يا الوله مثل الأوادم من لحم وعظام

‏‎قتلتك واسترحت من اشتياق القلب وجهاده

عسى ربي يسامح مهرة ٍ راحت بدون لجام

‏‎غلاها كل ما يقفي وراها عاد بزياده

عديم ٍ نوعها والنادرة هي علّة المنضام

‏‎ياليت الغيد تشبهها وابدّل غاده بغاده