كلمات اغنية الهاجس نياف تركي 2025

لفى الهاجس اللي دوم يلفي على السهران

تصوّر زمانٍ فات وانسابت الذكرى

عشق ليله الهادي وطلة قمر لا بان

مع شبةٍ للضو وطيفٍ سرى مسرى

يلوح بسماه الشوق ويراقب الهتان

إلى صب بالقيعان وصار له مجرى

غلا صاحبي كنه تهامىٰ مع الأمزان

جرى في حنايا الجوف وابتلت الصحرا

هلا بطيفك اللي كل ماداعب الأجفان

جلس يكتب أشواقي على العالم ويقرا

يامحلا المطر لا هل واسقى ظما الوديان

تصير الفيافي كلها لا هما خضرا

يازين الحيا لاطاح وشفناه بالريضان

يغطي العشب لاجا الوطا سهلها ووعرا

نما غرس حبك بالحشا وأثمرت الأغصان

وأرضي قبل شوفتك شفها ترى قفرا

نهوجس وتاتينا طواري زمان ٍ كان

به احلى ليالي العمر ياكثر ماتطرا

نحب الخلا يطرد من الخافق الأحزان

ونعشق ثرى الريضان وجروحنا تبرا

وياحي من يفتح لخفاقه البيبان

ماشال هم أمسه وماخاف من بكرا

توكل على ربه وقلبه ملاه إيمان

تفاءل ويحلم دوم بالخير والبشرىٰ