كلمات اغنية انتهى الارسال نياف تركي 2021

اعلن الشدة لبدون مدرب للمحول

والمعشا في طرف روم ولامن وراه

المجاهيم اجزلت واتبعت راع الرحول

كن دك اخفوفها دك ثعلن صب ماه

للحيا مزهامها تقطع الدار المحول

صيهدن مايقطعة غير من طالت اخطاه

انتهى الارسال واللي يكلم من زجول

والهضاب الشامخة والشفق معتم سماه

احد واسع صدر واحدن مع الطرقة زعول

وكل راعي ذود باين بجودة من رداه

الموجه دارسن نجدها عرضن وطول

حط نجم الجدي امامه ولاهو في قفاه

في كنف ذربين الايمان ماضين الفعول

بالنجوم المستقلة تعرف الاتجاه

لجلجت حيرانها مع طلوع ومع نزول

لجلجت فرقة سميرة وعبدة وزملاه

ويوم خامس بالعدد يومهم يومن ذهول

الهواء صلفن وبردة ماتدرقة العباه

ويوم سادس بالعدد جاء على الضيحه انزول

الخزاما والنفل ذود الاول قد راعاه