كلمات اغنية حبال الشقى نياف تركي 2021

سنينٍ مضن لي وسمها فوق كبدي لاح

مراسيمها بالقلب ماهيب تنزاحي

عليها فؤادي ماعرف طبه الجراح

سبب ضيقتي والبال ماهوب منساحي

ألا ياوجودي وجد من ضيع المفتاح

عثر مهرته يوم اختلط عج وذباحي

نصنّه بنات البدو كلن تذب صياح

مفاريع من ينخن مافي يده طاحي

نخن ياهل العادات غالي دبشنا راح

خذا البوش شهبٍ فوقها مثل الاشباحي

خذوها العيون الحمر يوم السنين اشحاح

زمان الجهل وسلاحهم شلف ورماحي

تلفت لربعه ثم صْفَق باليدين وصاح

سلايط ربوعه بين غايب ونزاحي

لحقها على رجله بعزمه يقوم وطاح

وهلك في فيافي رملةٍ حرها فاحي

انا لو بغيت اترك حبال الشقى وارتاح

يلوف الضماير مثل عاصوف الارياحي

تكدر علي الجو والسد مني باح

سبب مطلعي للعرق لاعاد مرواحي

حنيني على عصرٍ مضى لي ماهوب أمزاح

خياله على قلبي يثيرن الاجراحي

تصور عيوني يوم جات الجنب سرّاح

هذا مقهر الحيران والخلف طيّاحي

وهاذي مفالي الذود والخبتين امراح

بقت ذكرياتٍ خالده والاثر ماحي

عليها الغشين تهجّر العصر والصباح

زهر قحويانه فوقها الطير صداحي

وانا لو بغيت اترك حبال الشقى وارتاح

يلوف الضماير مثل عاصوف الارياحي