كلمات اغنية لو خاطري هشام اليمني 2025

لو خاطري ماراق هالليّلة وطاب

لا تقطعين اليوم أمله ف باكر

اليوم غيرالأمس ولباكر حساب

والوقت مشواره على كل خاطر

مرات مثل الشهد صافي ومنساب

وأحيان في قلبك مروره خناجر

الحب ما هو أسئلة رد وجواب

أو كلمتين أطياب من شوق عابر

الحب وافي الروح صادق وغلّاب

وأحيان من خلّه يكفّيه ناظر

من كبر إحساسه عبر فوق الاسباب

وش حجّة الساقي اذا الغيم ماطر

باكر ويا اللّه ياعسى ينفتح باب

عينك تغنّي لي وأنا أجيك شاعر

شوفي زعل هالبحر من شكّل سحاب

غيره تهنّى وهو على الموج صابر