كلمات اغنية حس فيني وليد الشهري 2024

حس فيني طالبك حس

كم لي أعاني من إهمالك

يا قمر دنياي يا شمس

وسط قلبي دوم منزالك

لو تقول أنساك قلت أنس

أنا لك أقرب من إظلالك

أنا أحبك ليتك تحس

حب ما يطري على بالك

في العجم والروم والفرس

ما خِلِق في الزين أمثالك

ما على حسنك أبد لبس

يا بَخَتْ من بالعمر نالك

أنت وحدك عشقي وبس

وقلبي الميلاف يبرالك

فدوتك المال والنفس

وكل ما تطلب ويحلالك

جيت في بالي عصر أمس

والوله والشوق غنّالك

في غيابك صابني نحس

عاشقك في غيبتك هالك

من بعادك خذت لي درس

وأنتظر شوفك ومرسالك

حابس أنفاس الغلا حبس

ما أقدر أقّوى لحظة إقبالك

نظرة عيونك لها همس

تغني النظرة عن أفعالك

مدّلي الخمس بالخمس

وأوعدك ما أقطّع وصالك