كلمات اغنية شبيهة الغيم وليد الشهري 2024

من تشرق الشمس لين الليل يمسيني

وانا اتبع افكار شعرٍ … تشّر ايديها

في كل مرّه على دارك تودّيني

حتى حفظت السعودية واراضيها

والله … ماغبتي الّا عن نظر عيني

ولّا طيوفك تجي عندي و اقهويها

مـ انتي بعيده سوى عن مسكة يديني

واحساسك اقرب من الدنيا وما فيها

رسايل الحب من بينك ومن بيني

للحيني ارجع لها واقرا معانيها

كانه مرض جعْل ربي ما يشافيني

واذا بوادر لقا فـ الله يحييّها

شبيهة الغيث ماودّك تهلّيني

جرد المشاعر شكت من شحّ ساقيها

انا على جرف موت و يدك تنجيني

مدّي يدينك و روح العاشق انجيها

ماكنّك الّا الهقاوي الطيّبه فيني

وماكنّي الّا دريكٍ كان هاقيها

جتني وتمّت بـ اذن ربٍ مسوّيني

واللحين جاتك هقاويي و تمّيها

انا ادري انّك تشوفيـني و توحـيني

وقصايدي في مُعاناتي سمعتيها

ياسبّـة ابداع شعري … لا تخليّني

وش ذنب ناسٍ … تتابعني و ابكيّها