كلمات اغنية صاحبي الغالي وليد الشهري 2025

من يوصل صاحبي الغالي سلامي

صاحب قدره وصل حد السحايب

علموه إني أعاني كل عامي

وما يعوض في غيابه أي نايب

لا يحاسبني على قل إهتمامي

المحب الشهم يعذر كل غايب

لا يطول في العتاب وفي ملامي

مكتفي لوعة من أجناب وقرايب

كلما ضاقت وأنا ليلي عتامي

صحت يا رحمن يا جزل الوهايب

مقصدي واضح ويظهر في كلامي

والله إني عايف وشايم وطايب

ما أتهنى في الشراب ولا طعامي

خاطري ضايق ودمعاتي سكايب

خنقتني عبرتي مدري علامي

لا ذكرت الكفو فكاك النشايب

وينه اللي في المواقف لي حزامي

نذكره بالخير لا هبت هبايب

الليالي دونه هموم وظلامي

حاضر" بقلوبنا وقت الصعايب

فارق" بالطيب من بد الأنامي

ومن حكى في غيبته هافي وخايب

بلغوه أجمل تحية وإحترامي

شرهتي ما جات من أية سبايب

رحلة الأيام تكشف الإنقسامي

والبشر من طبعهم مخطي وصايب

السراب بعيد يخدع كل ضامي

والموارد ما تجي نهب ونهايب

الوفي إن جار وقته ما يلامي

يعطي بإخلاص وجروحه عطايب

المحبة ما هي في عشق وهيامي

هي من الله ما تجي قوة وغصايب

يا عيوني السهر أضناك نامي

مقبل الأيام مدري ويش جايب

خايف تشوفين ما يجرح صيامي

والنظر يخلف موازين الحبايب

الزمن ضربه مثل حد الحسامي

يوجع السادة عطيبين الضرايب

ما أحد يبقى مخلد في المقامي

والزمن دوار لله العجايب

الأمانة كنز ضيعه الحرامي

وإن سألته قال أنا مسلم وتايب

الأمين من الفقر عاش إنهزامي

وأحترق بالنار في وسط اللهايب

السيول الجارفة بعد الغمامي

من وقف قدامها خلته عايب

الشواهد ما تبي شرح وأسامي

والحقيقة ما تغطيها الشوايب

كل شيء" له بدايات وختامي

والعمر رحلة تبي جهد وضرايب

من غشاه الليل في وسط الزحامي

يتحمل ما يجيه من المصايب