كلمات اغنية ضحيت من شانك وليد الشهري 2025

لك قَلْبْ يا إبن الناس وإلا بلا قَلْبْ

لو كان فيك إحساس ما كُنت قاسي

أمشي مَعَكْ من مَشْرِقْ الأرض للغَرْبْ

وشفت الطريق أصبح طويل ومآسي

ضَحْيت من شأنك على شاني أَحِبْ

كُنت أحْسِبْ إني في حياتك أساسي

أعطيك من نَبْعْ الغلا منهلِ عَذْبْ

وأمدّلك من صافي الود كاسي

أحتاج منك إحساسك وخاطر" رَحْبْ

ترى غصون الشوق جَفّتْ يباسي

بيني وبينك عهد وأول نفس حُبْ

وأشواق لك تَكْبَر وتشعل حماسي

الشوق فيني والولَه كلّما هَبْ

تجيبك الذكرى بوقت" قياسي

كُلْما ذْكَرتْ عيونك وحُسْنِك أتْعَبْ

عيوني أشقتني وطار النعاسي

مشاعري لك صادقة مابها كْذْبْ

يكفي خلاص أرجوك شيَّبْتْ رأسي

تقسى بلا سبّة ولا داعي وذَنْبْ

وإن طحْتْ من عينك أطيح متواسي

إن كُنت ناسي حُبّنا موقفك صَعْبْ

أذكّرِكْ بالحُب لو كُنت ناسي

ومهما تَعَلَّم فوق كرسي الغلا كُتْبْ

عليك أبقْلِب طاولات وكراسي

حتى تعود تشوف الإحساس عن قُرْبْ

يمكِنْ يحْنّ القلب لو كان قاسي