كلمات اغنية من عزتي ساكت وليد الشهري 2025

الشمس غابت واول الليل يدعيك

ودّي وودّه تنتهي هـ القضيّـه

يـ اغلا العرب وش هو على الارض يرضيك

ويجيك … لو انّها حياتي هديّـه

من عمري ادعي ياخذ الله و يعطيك

و هذا دعائي في صباح و عشيّه

عاتبت … لكن سامح الله هقاويك

ياكيف بعد الحب شكّيت فيه

انت تحسبني يوم اعاتبك مابيك

واني على فرقاك ناوي بـ نيّه

صدّقت عذالك و كذبّت مغليك

وخليتني … وانت الهوى و الهويّه

والكلمه اللي يمكن انها تبكّيـك

ماقلتها … خايف عليك الاذيّه

هذا وداع الله يسمّح خطاويك

ويسامحك في ماجنيته عليّـه

من عزتي ساكت و قلبي يناديك

ومن خوف لا اضمك مكتّف يديّه

يعني بعد هـ اليوم ماني ملاقيك ؟؟

وماني بـ سامع نبرةٍ شاعريّـه ؟؟

ويعني بعد هـ اليوم بـ يغيب طاريك ؟؟

وماهوب جامعنا مكانٍ سويّه ؟؟

وشلون خفّاقي بـ ينسى لياليك ؟؟

مـ الله عطاه لـ مثلها مقدريّـه

ماتذكر انّه كل مايتعب يجيك

وانك ملاذه فـ الحياه الشقيّه

على العموم انا على حطّة ايديك

بـ الضبط مثل سنيننا الاوليّه