كوبليه ما هي كلمات اغنية وش جاك مني وليد الشهري ...؟
تاريخ طرح اغنية وليد الشهري الجديده وش جاك مني
١٨ فبراير ٢٠٢٤
كلمات اغنية وش جاك مني وليد الشهري 2024
البارق اللي ناض بالدمع هتان
بأقصى المحاجر ماطر الحزن هلا
وش جاك مني يا أدعج العين زعلان
وش السبب يومك تصد وتغلى
ليت الغلا ينصف علينا بميزان
حتى تحس وعن عنادك تخلا
يا بدر نورك يطرد الهم لي بان
هونك تمهل لا تغيب وتولى
أسامرك تسري وأنا منك سهران
تغيب وأشواقي تزيد وتملا
أسوق نفسي يابس الريق عطشان
صوب القراح الي بريقك محلى
وأشفق على صوتك وأناجيك ولهان
ينساب صوتك بالنغم مسفهلا
خيال؟ وإلا صابني مسة الجان؟!
ما أدري! وأنا أدري لك بقلبي محلا
بأزهار عمري بين وردٍ وريحان
أبني مكانك بالضماير مخلا
ما أحلى الحياة اللي بها جمع خلان
مشاعرٍ فيها حياتي تحلا
تحلا الحياة وتختفي كل الأحزان
لا أقبلت والخافق يرحب .. وهلا
أعيش وأبقى لك على العهد من شأن
نجل العيون اللي هدبها امِظلا
والمبسم اللي يسرق العقل فتان
والشامة اللي فوق خدك تعلا
ما أنسى ولا أسلى عنك لو كان ما كان
يا كود تلقى طويق جنب المكلا
اغنية وش جاك مني وليد الشهري 2024 بالكلمات مكتوبة كاملة من كلمات الصقر تم طرح اغنية وليد الشهري الجديدة على القناة الرسمية على اليوتيوب بتاريخ ١٨ فبراير ٢٠٢٤ كوبليه كلمات اغنية
- كلمات : الصقر
