كلمات اغنية الذكريات الماضية يوسف الشهري 2025

بصدري مال غصن من الشعور المستباح وجف

بعد ما كان عصفوره يطير بوافر ظلاله

تسقّى الذكريات الماضيّة علّ الجفاف يكف

ولكنّ جرحة أدهى ما ترك شيٍ على باله

قطفني والسواعد غلّها وسط العروق أسرف

وانا من شيمتي ما كنت حتى أردع أقواله

تركته يفرد جناحه وياخذ مايبي .، ويرف

مدى حريّته جرحي وعذري آخر آماله

ياقلبي وانت في وجهي دخيلك لاتردى عفّ

دخيل الجاه.، والناموس والصيت العلي وآله

علامك كل ما هب الحنين من الوله ترجف

ما كنّ اللي تحداك بهجر مشروب فنجاله

هذا انت بصفٍ لحالك .، وكل الذكريات بصف

مواعيده. ، هداياه. ، وصوره. وعقد سلساله

قطعت من الرجا حبله ولا لي بالمجامل شف

يموت الرجل من دون الشيم ما طيّح عقاله