كلمات اغنية آخر لون إنجل 2024

ساعات بسأل نفسي

احنا فين ليه بنلف

الصحاب من جمبي ليه تخف

النور اللي فعيني ليه يقل

مين فادني رغم اني فدت

الاذاعة ده انتهت

قلبي مختلف

لرأي حد غيري عمري مكترث

فالfield معروف بأني محترف

ملفت بس عمري ملتفت

طالع فوق

اخبط فالموج

انا فاكر يوم كنت فيه غرقان فاللوم

كنت مين (وقتها) I didn’t know

اتنسي الشكل ومعاه وطي الصوت

خسرت القلب من كتر مزاد القول

مش عالردار am moving slow

بعلي وانزل مش بشف ولا بنقل

وزني يخف واعلي بس لما بنقل

انا سبت زمايلي فا نسيوا جمايلي

عشان بس الاقيكي

اوقات بستغرب ليه اما بقرب

انتي بتيجي تنسيني

انا مش محتاجك

روحي لو كان وحشك تاجك

انا بس محتاج احلام

عشان اعرف اني انام ياه

مادام مزيكا فانا ليها بقلبي غاويها

استوديوهات انا ابات فيها

انا لو عشتها بحكيها غير كدة ملوش قيمة

بصي فعيني دي السيما

ياما شفت

جريت كتير مالحب وياما خفت

الوقت يخلص مني ياما قلت

اني فاشل بس كنت اكل فا ليها رحت

معنديش مكان غير ده فا هنا مت

انا ممكن ابقي موج بتحرك بكل سلاسة وحرية

او زي العقرب الثانية محسوبة ومفيش مجال للتأخير

انا ممكن ابقي ترس بلف ومبزهقش وده فيا

وممكن ابقي ساعات اليوم اللي بتكتئب فيها لوقت كبير

انا ممكن ابقي مرسول اصل بحب ابص عالسما

انا شايفني ميلوديز ده اللي بحسه فيا انا

انا بلمع روز جولد بغني لنفسي عشان قيمة معدني الدهب

اني ابقي صورة علي البيلبورد ده مصدري الحقيقي للشغف

كذا لون ده السما وكل الوان المزيكا دي فيا انا

النجمة مراحتش طول مهعيش هفتكرها

طول عمري كنت بحاول الاقي لنفسي تأثرها

عشان طول عمري مليش تأثير

دي نشرة الاخبار وكان معاكم المذيع

دي نهاية نشرة كذا لون بس بداية قصص كتير