كلمات اغنية مثل البحر بدر الشعيبي 2025

أنا مثل البحر هادي وأنا مثل البحر لا هاج

وأنا ب أدنــى جزر طـبعي أردّ بمدّي العالي

وأنا مثل المزن عالي وإلى منّه نِـزل ثجّاج ..

إذا مــا هلّت امطاري ! تفيّا النّاس بظلالي …

كريم بـكل حالاتي بخير أضحك وأفلّ حجاج …

أمـدّ الطيب مـن قـلبي وبالمردود ما ابالـي ..

أحـبّ النـاس لـكنّـي ل غـير الله مــا أحتاج ..

عــيوني للسّـما وارسم علـي الآفـاق آمالي …

عـلاقاتي وفِق مـبدأ واحاسيسي على منهاج ..

مـحال اذلّ من عزني واعزّ اللي يـبي إذلالي ..

من يقدّر شـعوري له على راسي أحطّه تاج ..

ومن لا قدّر شْعوري حــرام يـمرّ فـي بـالي ..

نعم صدري وسيع ومـا بنيت مْن الغرور سياج ..

وخالق من يـبي فراقـي خلق لي من يبي وصالي ..

أنـا الفنان والــقصه وأنـا المـشهد وأنـا الإخراج ..

وكـلامي مـابـي آقـولــه إذا مـا شــابـه أفعالـي