كوبليه ما هي كلمات اغنية أي كلام حمزة نمرة ...؟
تاريخ طرح اغنية حمزة نمرة الجديده أي كلام
١٠ ديسمبر ٢٠١٤
كلمات اغنية أي كلام حمزة نمرة 2014
ياريت ما سألتوا تاني
نفس السؤال إياه
تنسوه انتوا ف ثواني
وانا أعيش عذابي معاه
وأرد بأي كلام
واقول والله تمام
واسيبهم وامشي عشان
ما اسمعش سؤالهم تاني
ويا دنيا جرالك إيه
بتعاندي معايا ليه
أنا بس غلطت ف إيه
وليه قلبي بيعاني
جوانا هموم سنين
ولا نبقى مبينين
ف عنينا الضحكة لكن
من جوه مدمعين
وتمر كتير ساعات
بنفكر في اللي فات
معقولة العمر عدّى
بينا كده من سكات
ويادنيا رسينا
مين جاي على مين فينا
قصرنا ف حاجة معاكي؟
ولا عملنا اللي علينا؟
وأرد بأي كلام
واقول والله تمام
واسيبهم وامشي عشان
ما اسمعش سؤالهم تاني
وارجع أحلم واعيش
ليّا بقى أو ماليش
ولا هاخد غير نصيبي
فَ خلاص.. ما يهمنيش
أوعى تحزن يا طير
ده بعد الدمعة خير
جايلك بس ف أوانه
أصبر ربك كبير
ويادنيا رسينا
مين جاي على مين فينا
قصرنا ف حاجة معاكي؟
ولا عملنا اللي علينا؟
وأرد بأي كلام
واقول والله تمام
واسيبهم وامشي عشان
ما اسمعش سؤالهم تاني
اغنية أي كلام حمزة نمرة 2014 بالكلمات مكتوبة كاملة من كلمات محمود فاروق – مأمون عرفة والحان حمزة نمرة وتوزيع حمزة نمرة تم طرح اغنية حمزة نمرة الجديدة على القناة الرسمية على اليوتيوب بتاريخ ١٠ ديسمبر ٢٠١٤ كوبليه كلمات اغنية
- كلمات : محمود فاروق – مأمون عرفة
- الحان : حمزة نمرة
- توزيع : حمزة نمرة
