كلمات اغنية مش لاقيكي رامي جمال 2025

مش قالولِك عيشتي مُرّه

وانتي ليه مِستحملاني

قولتلِك يومها انتي حُرّه

بس تاخدي الباب في ايدِك

راجعه ليه تشكيلي حالِك

هُمّا ضِحكوا عليكي تاني

لو قابلتِك ١٠٠٠ مرّة

مش هاحِن ومش هافيدِك

مش لاقيكي

لما جات عيني في عينيكي

ما شوفتكيش

فيكي مهما البُعد يعمِل

عادي بقى ما يخُصنيش

عيشي ليهم

لمّا تشتاقي اسأليهم هعمل ايه

كلّميهم عن دموعِك

واللي مش قادرة تقوليه

مش قالولِك بُكره تنسي

ما نسيتيش والبُعد خانِك

شوفي مين فيهم هيقدر

يلحَقِك من اللي انتي فيه

وقت ما تحاوطِك جروحِك

والزعل يحفظ مكانِك

ماتلوميش حد إلّا روحِك

ع اللي بَعدي وصلتي ليه

مش لاقيكي

لما جات عيني في عينيكي

ما شوفتكيش

فيكي مهما البُعد يعمِل

عادي بقى ما يخُصنيش

عيشي ليهم

لمّا تشتاقي اسأليهم هعمل ايه

كلّميهم عن دموعِك

واللي مش قادرة تقوليه