كلمات اغنية غريبة طارق الشيخ 2022

غريبة، غريبة

في حاجات غريبة بقت جوانا للأسف الشديد

عن حياة بنعيشها لكن وليه هنروح بعيد

ما حدش فينا بقى فاضي للثاني

ما حدش فينا بقى داري بالثاني، آه بقى داري بالثاني

بقى كل واحد فينا عايش جوة نفسه لكن وحيد

عنده أهل وناس وعزوة بس كله خلاص بعيد

يا اللي شايفين السعادة من بعيد

ده إنتم قلبتوا المواجع من جديد

في حاجات غريبة

أدي القلوب متفرقة والناس أهي متبعزأة

بقت خلاص جوة البيوت زي الحيطان متشققة

بقينا شكل ومنظرة وضحكة طالعة مزورة

حتى خلاص بقت النفوس هي كمان متغيرة

حاجات غريبة بقت فينا

ما بقاش في حاجة مضمونة ولا ناس عاقلة وموزونة

صور ع الرف مركونة أصحابهم بقوا أغراب

ده صحيح البطن قلابة بتجيب شياطين وغلابة

ما بينهم تركه متسابة مقفول عليهم باب

الناس ما عرفش ليه على طول معانا مركزة

ده يادوب حياتنا صعبة وماشية زي المعجزة

باصين للي في إيدينا وهو ده اللي يهمهم

قاعدين وبيحسدونا وقالوا ناس متعززة

وليه الدم ما عدش يحن وليه الكل طلع له أنياب

ليه بنحور على بعضينا وليه الطبع يا ناس غلاب

ليه الدم ما عدش يحن وليه الكل طلع له أنياب

ليه بنحور على بعضينا وليه الطبع يا ناس غلاب

حاجات غريبة بقت فينا

هموم بالكوم محاوطانا وناس في دماغها حاطانا

حاجات هي اللي رابطانا هنهرب نروح على فين

على طول عايشينها بصعوبة ونبات ودماغنا مقلوبة

ما برده الرحمة مطلوبة ولا إنتم يا ناس جاحدين

الناس ليها المظاهر واللي ظاهر مننا

مالهومش هما دعوة بأي حاجه تهمنا

النية الله أعلم باللي فيها وكلنا يكفينا في النهاية شر نفسنا

يا اللي خلاص مش فارقة معاكم تاكلوا حرام أو تاكلوا حلال

لو ع الرزق ما كله بيرزق عمر الرزق ما كان بالمال

يا اللي خلاص مش فارقة معاكم تاكلوا حرام أو تاكلوا حلال

لو ع الرزق ما كله بيرزق عمر الرزق ما كان بالمال

حاجات غريبة بقت فينا