كوبليه ما هي كلمات اغنية روما كايروكي ...؟
تاريخ طرح اغنية كايروكي الجديده روما
٢٣ سبتمبر ٢٠٢٢
كلمات اغنية روما كايروكي 2022
بصيت في المرايه لقيتني معرفنيش
انا ابن انهاردة ولا انا ابن الماضي
واحد واقف قصادي مش سايبني اعيش
كتبلي الرسالة بيقول فيها الاتي
اما بعد هبدأ الكلام بوعد
هفضل معاك لو انت رعد انا برق
انا رعب انا الماضي الصعب
انا انت لما وقعت
لما الشيطان وزك و سمعت
لما اتعميت ولقلبك بعت
انا الالم اللي في قلبك انا قلم كتب نعيك انا
انا قلم علي خدك انا اللي هنتك كسرتك انا
انا علم علي ارضك محتل فاكرني حررتك انا
مهما تكبر انا اصلك انا جذور شجرتك انا
بحاول و مش بايدي انا عارف انك مش حقيقي
بشاور علي بكرة ومش بيجي يمكن تنساني و اكون انا
اتولدت في ضلمة فطلعت شمعة
ممكن ابقي نور وممكن ابقي ولعة
الدنيا اختبار واحنا زي النار
هنور ولا هنحرق احنا اللي بنختار
انا جوة مني فكرة عايزه تحبسني
الدنيا ادتني قلم غير الالم اللي في جسمي
مسكت بايدي القلم غرزته جوة نفسي
رسمت بيه لوحة مضيت تحتها اسمي
اسمع
غرزت جامد جوة نفسي بغرق
بحفر في اللاوعي بحاول ادرك
نفوخي شجره عمرها ١٠٠ سنة
كل مادي بتتفرعن بقرب للسما
جذوري ببتدفن بنسي مين انا
بحاول افتكر و الذكريات مؤلمة
بخدر في الضمير بسكن في النفوخ
جوة مني اسئلة كتير محاوطها الخوف
بحبك ولا دي كدبة عايشها من زمان
يمكن اناني بحب نفسي عشان انتي الامان
بشوف نفسي بعيني ولا بعيون الناس
يا تري انا كداب ولا صادق في الاحساس
مهدئات مسكنات بتشطب عالاسئله
الدنيا هيروين والشخصية مدمنة
بحود شمال يمين عشان اهرب من التروما
بس كل الطرق بتأدي الي روما
بحاول و مش بايدي انا عارف انك مش حقيقي
بشاور علي بكره و مش بيجي
يمكن تنساني و اكون انا
اغنية روما كايروكي 2022 بالكلمات مكتوبة كاملة من كلمات امير عيد والحان كايروكي وتوزيع كايروكي تم طرح اغنية كايروكي الجديدة على القناة الرسمية على اليوتيوب بتاريخ ٢٣ سبتمبر ٢٠٢٢ كوبليه كلمات اغنية
- كلمات : امير عيد
- الحان : كايروكي
- توزيع : كايروكي
