كلمات اغنية ليلة أرق مروان موسى 2025

كلنا بنحس نفس الحاجة ب طرق مختلفة

مش شرط تمر بنفس الترتيب …مرحلة المساومة"

"حاول تفتكر"

كلمة من القلب

اخوات سابت وسنين فاتت مين ماسك السكور؟

مقاسي على مقاسي، غلطة الترزي ولا الدكتور؟

قابل، اللي جاي أحلى بس أصعب

العمر عادل وانت مش حاسس بقيمة حظك

Zoom out هتشوف الصورة بس أوضح

فاكر قبل ما الخمول على العقول يستولى؟

كننا ملوك في زمن تاني، دلوقتي للأسف ناسي

محدش عملهالي بس دفعت التمن غالي

انا مُحاط بكلاب سعرانة فا اتعلِمت أعُض

مكالمة ستة الصبح، كنسِلت بس كان نفسي أرد

ايه المردود بين ليالي وأيام مقلوبة؟

هاتديني إزاي والمساحة ف قلبك محدودة؟

مترّب سيكا بعد سنين شغل ف مناجم دهب

لسه بفتح أول صفحة لقيت كتابي انتهى

إزاي يحصلِك كدا بدون تحذير؟ مطلوب تفسير

سنين مفيش تغيير، مسجون جوا عيونِك انا البريء

ولو لقيتِك واقفة ع الطريق

هاخدك عالم تاني بس بعيد

أدفع أي تمن بس نعيد

ليلة من الذكريات اللي عشناها

فاكرة ولا ناسية اللي عشتيه؟

المُر اللي بنفتكره وبيأذيك

فات وقت قليل وشوفنا كتير

شوفنا كتير، 360 درجة لفيناها

العُمر جِري على 260

الشخصية القديمة كان يضرب كاسينُه ع الريق

في المحضر انا المُتهم لابس أحمر ليلة أرق

قولت الطيبة عين العقل لقيت الخير انقرض

اعتقد انا اتحبيت بالغلط

خمس مراحل ايه، انا عديت ب 200 مرحلة

كل دا عشان أطلع فوق الجبل وألقى كهف

دايما ناسي شئ مهم بس الهَم مابينسكش

اسمها سُخرية القدر، دا المُلخص المختصر

الزعل بات مات وكل اللي فات احتضر

غلطت كتير بس عمري ما أهملت المسؤولية

بقول للناس ولنفسي إني عملت اللي عليا

بس يمكن باكذب، يمكن باذنب، يمكن عازلِك

يمكن حاسة الجو مش مناسبِك، ممكن اقلب

ممكن أسمع، ممكن انزل، ممكن اظهر

ممكن أثبت إن الجوهر هو المظهر

أو يمكن مفيش فرق بيني وبينهم

مش يمكن أنا أوحَش منهم!

يمكن لو الكنز كان مكتوبلي

كان زماني قاعد ف القصر بستلمه

ف المحضر أنا المُتهم

لابس أحمر ليلة أرق

سيبت قلبي فين

فكرني وأنا أفكرك

ولو لقيتِك واقفة ع الطريق

هاخدك عالم تاني بس بعيد

أدفع أي تمن بس نعيد

ليلة من الذكريات اللي عشناها

فاكرة ولا ناسية اللي عشتيه؟

المُر اللي بنفتكره وبيأذيك

فات وقت قليل وشوفنا كتير

شوفنا كتير، 360 درجة لفيناها

"تمام إنك تبقى مش تمام"