كوبليه ما هي كلمات اغنية مساومات مسار إجباري ...؟
تاريخ طرح اغنية مسار إجباري الجديده مساومات
٣٠ نوفمبر ٢٠١٨
كلمات اغنية مساومات مسار إجباري 2018
أول دكتور تطعيم
إداني ميدالية هدية
علشان تشميرة كُم
وأنا كنت بأساوم أمي
تديني فلوس من جيبها
لهدية عيد الأم
وساومت سلالم بيتنا
إن أنا مش هاجري عليها
وقصادها ما تتعبنيش
و ساومت كتير دكتوري
علشان يكدب على والدي
و يقوله ابنك هيعيش
وساومت الموت على حاجة
ومفيش داعي إني اذكرها
علشان ما اخلفش الوعد
وساومت الحب الأول
إن أنا مش هاعرف غيرها
علشان نفضل مع بعض
و ساومت الحزن بضحكة
و ساومت الضحكة بوحدة
و ساومت الوحدة بواحدة
و ساومت الواحدة بشك
وكبرت شوية ولقيتني
قضيت عمري مساومات
علشان مهتم بحاجة
بتضيع قدامها حاجات
وساومت فلاش الكاميرا
إن أنا هاضحك ويطلَّع
الصورة بدون أحزان
ووعدت اللون الأسود
يفضل دايمًا أقرب لي
من زغللة الألوان
وساومت الذكرى إياها
أفضل عايش جواها
و تعلِّمني النسيان
وساومت صحابي عليا
على قد ثقتهم فيا
أفضل نفس الانسان
في مسافة مابيني وبينِك
أنا مش ماشي فـ شرايينك
كان ممكن أساومك لكن
صورتي هتتهز فى عينيكي
اغنية مساومات مسار إجباري 2018 بالكلمات مكتوبة كاملة من كلمات احمد الراوي والحان هاني الدقاق وتوزيع أمير هداية تم طرح اغنية مسار إجباري الجديدة على القناة الرسمية على اليوتيوب بتاريخ ٣٠ نوفمبر ٢٠١٨ كوبليه كلمات اغنية
- كلمات : احمد الراوي
- الحان : هاني الدقاق
- توزيع : أمير هداية
