كلمات اغنية جربت نادر نور 2009

ارجوك كفايه ومتقلهاش انا همشى وابعد من نفسى

وسامحنى لو قليت راحتك او يوم فرضت عليك نفسى

محتاج اقولك كلمتين وبجد بعديهم هامشى

واعذرنى يعنى عشان يمكن تسمعنى بس ماتفهمشى

اصل الكلام ده فى حجات تتحس بس ماتتقالشى

جربت تعمل كل شى عشان تحبب حد فيك

وتلاقى رد بيوجعك باين فى كل كلامه ليك

بس انت عايش ع الامل يمكن يحس فى مره بيك

جربت لما تبصله تلاقه اوام يبعد عنيه

وتحس لما تكلمه ان انت حمل تقيل عليه

احساس محدش يفهمه غير اللى حاسه ومر بيه

جربت لما يكون حزين تبقى انت مش قادر تنام

وان حد قال انه انجرح تلقى الدموع سابقه الكلام

هو يا دوب يقول الاه وانت اللى بتحس الالام

جربت تقبل كل يوم يجرح مشاعرك ويدوسها

عمال يحمل قلبك لوم على كلمه ماقدرش يوحشها

جرب الالامى وابقى قول هتحس ايه لما تعيشها