كوبليه ما هي كلمات اغنية لا لا لا لا حنين الشاطر ...؟
تاريخ طرح اغنية حنين الشاطر الجديده لا لا لا لا
١٠ يوليو ٢٠٢٥
كلمات اغنية لا لا لا لا حنين الشاطر 2025
بيكدب على طوب الأرض عايزني أصدّقه
محتاج اتنين تلاتة حداشر حد يفوّقه
ويقوله يسيبني في حالي عشان أنا ممكن أروّقه
قابلت من النوع ده كتير حافظاهم كلهم
من أول ثانية بحس بقلبي مش مرتاحلهم
كان غيرك أشطر يا اللي مفكّر نفسك عمهم
لا لا لا لا
ده حالته صعبة يا حول الله
في دماغه حِلم لازم ينساه
أسلوبه متدني ومكشوف
ده إيه ده ده
شكل الأدب منفعش معاه
كلامي مش جاي على هواه
أحسنله يبعد بالمعروف
بيحلف ٦٠ حلفان قال إيه بيحبني
بسمع وأنا من جوايا بقول غلبان ضحّكتني
في مَثَل بيقول الإحساس نعمة وإنت خنقتني
بيحاول يظهر وشّه الطيب بس عليا أنا
مش عارف إنه عشان يوصلّي
محتاج ١٠٠ سنة
إزاي ههتم بواحد سيرته تجيب العكننة
لا لا لا لا
ده حالته صعبة يا حول الله
في دماغه حِلم لازم ينساه
أسلوبه متدني ومكشوف
ده إيه ده ده
شكل الأدب منفعش معاه
كلامي مش جاي على هواه
أحسنله يبعد بالمعروف
اغنية لا لا لا لا حنين الشاطر 2025 بالكلمات مكتوبة كاملة من كلمات احمد جابر والحان مؤمن عماره وتوزيع محمد مجدى تم طرح اغنية حنين الشاطر الجديدة على القناة الرسمية على اليوتيوب بتاريخ ١٠ يوليو ٢٠٢٥ كوبليه كلمات اغنية
- كلمات : احمد جابر
- الحان : مؤمن عماره
- توزيع : محمد مجدى
