كلمات اغنية العزايم عبدالعزيز المعنّى 2026

العزايم كل ماجت عالية بعد الهزايم

وانت يابن آدم نشيط وفيك حيل تدفّها

والله انّه يطلع احلا بعدها كسب الغنايم

المهم اعزم وكافح والنوايا صَفَّها

وان سعيت وجيت خالي لا تقول الحظ نايم

إنت ريّح.. والمشاكل حطّها في رفّها

ونام لا في خاطرك غيرة ولا حقد وتهايم

واوعدك تصحى ونفسك طايرة من خفّها

وان بغيت تعيش رايق مستريح البال دايم

عن مناقيد البشر والذم نفسك عفّها

ولا تضيع وقت في كثر الطلايب والظلايم

والمتاح من الفرص غيرك يجي ويضفّها

إنت بامكانك تغيب وما يلومك أي لايم

بس لك عادة أعرفك مستحيل تكفّها

غير فوزك بالعظايم ما ينسيك الهزايم

وكلّ ما هدّت عزيمتك القوية دَفّها