كلمات مهرجان ازاى تقوليلى انسانى 2025

الدنيا دى كلها كوم .....واللى بيحصل فينا ده كوم

انا شاب من وسط 100 مليون ... مش مكتوبلى ان افرح يوم

حياتى مليانه بالهموم .... وزعلى على وشى كل يوم

بحاول اسعى ونفسى اقوم ... يا دنيا ليه حبانى مظلوم

انا ايه اللى جابنى هنا ....... ولا انا ايه ودانى

معرفش انا ليه كدا ....... مشاكلى مش سيبانى

وفى كل يوم مشكله ..... مكفاية اكون وحدانى

اش معنى انا اللى كدا ..... الدنيا ليه معندانى

يا زمانى بقا براحه ........ كان يعنى عملت ايه

نفسى اخد استراحه ...... من اللي انا بمر بيه

دماغى مش مرتاحه ....... والحب بقيت لاغيه

هبعد عنكو بصراحه ....... اهون ما اللى انا فيه

عالفاضى عمرى ده بيروح ... مكتوب عليا اعيش مجروح

بضحك بطلوع الروح .... بصرخ وانا صوتى منبوح

جوا منى كتير حكايات .... عن ماضى وده عدى وفات

انا قلبى من جواه مات ... بقيت باخدلو مسكنات

طب ليه يا دنيا كدا ...... بتشدى حيلك عليا

انا لو كبش فدا ..... ميجراش ده كله فيا

لا ده انتى متأكده ..... ان انا العيب عليا

حرام عليكى مش كدا ..... ده كله بيأذى فيا

من حب راح وسبنى .... لى قلب عاش واحيد

ولا حد وقف جمبى .... سبنى قريب وبعيد

من كتر بعدكو عنى .... مبقتش اقول ولا اعيد

مبقاش في حاجه تفرقلى ..... وبقيت انا شخص عنيد

يا نور حياتى يا قلبى ..... من غيرك بيا يحس

يا واخده روحى وعقلى ... انا عايزك انتى وبس

ازاى تقوليلى انسانى .... انا قلبى بيكى حس

بعدك هعيش وحدانى .... بدعى انى اشوفك بس

بعدك انا ندمان ..... وحاسيس انى ضايع

بمشى فى كل مكان ..... ولافلف فى الشوارع

مش لاقى بر امان ..... ياخدنى من المواجع

سامحينى انا الغلطان ..... قلبى لغيرك مانع

كاتم فى قلبى حجات .... خليتنى حد تانى

لسه ليكى حكايات .... بجد مش سيبانى

مافيش غير السكات .... يفسرلى المعانى

يا وجع اللى بات .... محروم قلبه لياالى