تاريخ طرح مهرجان العيد فرحه
٢٦ مارس ٢٠٢٥
كلمات مهرجان العيد فرحه 2025
ايوه ايوه
جهزنا الكحك مع البسكوت
فرحان وسعيد وكمان مبسوط
جمعنا العيله وجبنا الرنجه
وكلنا فسيخ واليوم مظبوط
البس جديد اهو جانا العيد
واخدت عيديه فلوس وجريت
طب قولو معايه مرحب بالعيد
مع كل صحابي وجاري وليد
هما دول صحابي
صحابي . صحابي
هما دول صحابي
محمد واحمد وحماده
دول احلي صحاب علي الفرازه
وقت الصبحيه بنتجمع
تحت البيت عندنا الحاره
ونصلي العيد في الجامع
نجمع كلنا في الشارع
وبنفضل واقفين نتكلم
والصبح ملعلع طالع
هما دول صحابي
صحابي . صحابي
هما دول صحابي
مصطفي وحوده وعبدالله
دول يبقو صحبنا من الشله
لما بنتقابل بنهرج
ونهزر والوقت يخدنا
اهلا بالعيد مرحب بالعيد
عيد فرحه سعيد ولبسنا جديد
وفلوس في الجيب نخرج من البيت
الصلاه عل الزين اهو جانا العيد
طقمنا لبسنا جديد ف جديد
خدنا عيديتنا بسرعة نزلنا
ركبنا عجل و القلب سعيد
انا و صحابي اتجمعنا اوام
روحنا السينما و روحنا الاهرام
وركبنا حصان والزحمه اكوام
وطلعنا الخيمه شربنا الشاي
هما دول صحابي
صحابي . صحابي
هما دول صحابي
كلمت انا كل صحابي
و نزلنا و رحنا كافيه
و طلبت زبادي خلاط
قولت لهم تشربوا اي
ونزلنا مشيبنا طلبنا شربنا
و خدنا القعدة و قومنا خرجنا
هزار ف الشارع من فرحتنا
الناس حوالينا مبسوطة بالعيد
هما دول صحابي
صحابي . صحابي
هما دول صحابي
دورت المكنة انا بالمنفلة
صحابي راكبين بطوطة و ترلة
نلف شوارع مصر الحلوه
انا و جيراني و أخواتي و الشلة
وركنا المكنه ومشينا
روحنا كافتيريا اتغدينا
قاعدين بنفكر في خروجه
اهي طالبه معانا نروح سيما
هما دول صحابي
صحابي . صحابي
هما دول صحابي
مهرجان العيد فرحه محمد الريس 2025 بالكلمات مكتوبة كاملة من كلمات شعبان الشاعر و ابو حمزه وتوزيع محمد الريس تم طرح مهرجان العيد فرحه على القناة الرسمية على اليوتيوب بتاريخ ٢٦ مارس ٢٠٢٥ كوبليه كلمات مهرجان
- كلمات : شعبان الشاعر و ابو حمزه
- توزيع : محمد الريس
شاهد واستمع الكليب الرسمي لمهرجان العيد فرحه 2025 مع الكلمات مكتوبة كاملة
