تاريخ طرح مهرجان اللي باعني مرة بالسلامة
٢٦ أكتوبر ٢٠٢٣
كلمات مهرجان اللي باعني مرة بالسلامة 2023
الدنيا مالها بقت بتكره ضحكتي
أنا لو هموت حالف لاكمل سكتي
ده الكل بان على أصله تسلم شدتي
ملقيتش غير ايدي اللي تمسح دمعتي
اللي باعني مره بالسلامه
كله جوّه قلبي ساب علامه
مفيش بجد داعي للملامة
احساسنا اتبدل
يلا برّه غورو من حياتي
مش هحب تاني من الليله دي
جنابكو بشقا ايوا مش فلاتي
على طول متبهدل
شايف سواد وعينيا قافله ومش بشوف
أيام عايشها بنام وبصحى على الكيوف
ده انا كنت طيب بس آه منها الظروف
بتحول الغلبان شيطان مبقاش في خوف
البشر بجد غلبوني
عيشتها بطيابه عذبوني
اما جيبي يفضا بيسيبوني
ويعاملوني ميري
الحياة معانده فيا ليه
بحب ناس بتعشق الجنيه
عيشي ملحي كله داس عليه
دول ناكرين خيري
معمول حسابه في اي حته وبالأصول
الواجهة يا ابني في اي حته حسين دبور
امبابه دوله وعمرها ما جابت فرفور
بشتيل بلدنا تحط حط على اللي يثور
ده الخلق لو قدرتهم هيقلو بيك
والبت لو هتحبها هتعيش عليك
اوعاك تأمن للزمن وافتح عينيك
فكر في نفسك انتَ مين هيفكر فيك
الخيانه جرحت القلوب
والنفوس بتعشق الذنوب
بيتكو من إزاز وترمو طوب
زمن العجايب
ماتت المحبة والاصول
والندالة خطفت العقول
وبردو بتخونوني مهما اقول
ان انتو حبايب
أول ما احس اني اتخنقت
بروح واسيب
جرح الاحبة ملوش علاج
وملوش طبيب
على طول بعافر
بس برده مليش نصيب
اذا كان صحاب
أو كان فلوس أو كان حبيب
البنات كرهتهم بسببك
السواد بجد مالي قلبك
فاكره لما قولتلك بحبك
كنت انا بكذب
الفراق ده احسن اتجاه
والحياه معاها مش حياه
راحت لغيري عشان معاه
وبكت وبيكسب
القسوه مفتاح الحياه
طب احن ليه
بقى كله ناسي
ايه عليه وفاكر اللي ليه
هيموتك اللي انت
كنت بتموت عليه
لأ مش هيبيعك
غير اللي انت هتشتريه
مش هحل فيكو اي واحد
هتشوفوني حد بس جاحد
اي حاجه حلوة فيا راحت
وبقيت شرير
حفره بعد منها حفره تانية
نفسي اشوفلي اي دنيا تانية
انا من زمان يا ناس طالع عينيا
مبقيتش بخير
مهرجان اللي باعني مرة بالسلامة كريم كرستيانو 2023 بالكلمات مكتوبة كاملة من كلمات عبده روقه وتوزيع يوسف اوشا تم طرح مهرجان اللي باعني مرة بالسلامة على القناة الرسمية على اليوتيوب بتاريخ ٢٦ أكتوبر ٢٠٢٣ كوبليه كلمات مهرجان
- كلمات : عبده روقه
- توزيع : يوسف اوشا
شاهد واستمع الكليب الرسمي لمهرجان اللي باعني مرة بالسلامة 2023 مع الكلمات مكتوبة كاملة
