تاريخ طرح مهرجان انا اسف اعذريني
١٧ مارس ٢٠٢٢
كلمات مهرجان انا اسف اعذريني 2022
يامساء العناب .. ع الناس الاحباب
والناس الوحشين الغدارين .. مسائكوا هباب
اخواتي الجدعين .. ليا غيركم مين
تفضلوا متشالين .. جوا العين ولو فات سنين
في زمانا المحبوب .. خلاص مبقاش مطلوب
تمشي جمب الحيط يشوفوك عبيط يدوك بالطوب
هتعيشها بصدرك كله يصقفلك
لو شافوك غلبان هيدوسوا عليك يكسروا قلبك
رجوعك كان زمان خلاص فات الاوان
كنتي عزيزة بقيتي رخيصة وحبك كان يا ماكان
اتقفل الحوار بجد ومش هزار
ادي اللي كانت تتمنى تعيش في الجنة بقت في النار
انا اسف اعذريني تاني مش هتشوفيني
انا شيلتك من بالي خلاص مبقتش تدمع عيني
قلبي اتقوى خلاص ومنعت الاحساس
مبقتش طايق اشوفك تاني ولا حتى بتوحشيني
وحياة رب الكون مفيش صاحب مضمون
لما في يوم احتاجت لصاحبي قام قافل التليفون
في حالي انا احلالي مصلحتي دي أبدالي
مش محتاج لسؤالكم انا من غيركم مرتاح بالي
حياتي مش واقفة عليك روح ربنا يهديك
بكرة هتندم لما تحس اني كنت شاريك
ترجع تاني بعينك خلصت بيني وبينك
يلا انساني غيرت مكاني خلاص مبقتش فاضيلك
انا مش زيك ياه واللي عملناه صرفناه
الصبح شقا بالليل شبرقة وسايبينها على الله
مظابيط وسط جيهتنا بالحب اتسيطنا
عايشين في حالنا ورايق بالنا راضيين يابا بنصيبنا
عجبي عليك يازمان فيك الاصيل متهان
كبرت في الواطي ورخصت في الغلبان
يخربيت المانيهات خلت كلها ببات
رجالة نص كم
خلق عرة
فرحانة بالشنبات
مهرجان انا اسف اعذريني عصام صاصا الكروان 2022 بالكلمات مكتوبة كاملة وتوزيع شيندي وخليل تم طرح مهرجان انا اسف اعذريني على القناة الرسمية على اليوتيوب بتاريخ ١٧ مارس ٢٠٢٢ كوبليه كلمات مهرجان
- توزيع : شيندي وخليل
شاهد واستمع الكليب الرسمي لمهرجان انا اسف اعذريني 2022 مع الكلمات مكتوبة كاملة
