تاريخ طرح مهرجان قصه بوجي
٢١ سبتمبر ٢٠٢٥
كلمات مهرجان قصه بوجي 2025
قصه بوجي
انا شاب عدا من عمري سنين وايام
اسمع حكايتي تعرف اني شارب احزان
معلش الفقر بهدلني ملاني الام
ومن كتر اللي انا شوفتو مبقيتش بنام
اول حكايتي في الصحبة قالولي الكيف
رفضت طبيعي اول مرة طول عمري نضيف
وخدني فضولي اني اجرب بشكل مخيف
وقولت عادي ايه اللي هيحصل هشرب تخطيف
ومره في مره ادمنتو
انا لنفسي الاذي جيبتو
يارتني ما كنت جربتو
ولا سمعت لصحاب السوء
بقيت واخدو علي الجرعة
وبان تاثيرو اهو بسرعة
كده حياتي خلاص ضايعه
هشوف طعم العذااب وهدوق
اول خسارة كان شغلي بقيت مرفوض
ومتلقح قصاد امي ياناس وبموت
بقيت فاصل عن الدنيا ولا موجود
وهمي خلاص علي كيفي وبيه مربوط
بقيت دلوقتي متسول ونومتي رصيف
بمد ايديا اهو بشحت عشان الكيف
ولا حاسس انا ولا شايف كاني كفيف
يعدي عليا يوم كامل عشايا رغيف
خلاص نشاطي اجرامي
بقيت بضرب ومش داري
وكل صنف غير التاني رايح لسكة موت
هجيب منين فلوس هسرق
وسم في جسمي اهو بحرق
ويوم ورا يوم اهو بغرق وعمري كان بيفوت
وكل حاجه بتقفل في وشي خلاص
وانا ع الجرعة مستعجل اصعب احساس
هجيبها منين وانا حالتي بقت افلس
قبلت عصابة ما بترحم علي هيئه ناس
قالولي هناخد الكليية قصادها فلوس
قالولي الحظ اهو جالك ده انتا واد محظوظ
ماهي الفرصة بتيجي مرة ويلا دوس
وعملو جرح اهو في جنبي كأنو بموس
وبعد مافوقت ضربوني
وفي الشارع تاني رموني
بكيت الدمع بعيوني وكان نفسي بجد افوق
لقيت زحمة وفي لمه
واحد مرمي ف مكان ضلمة
فضل يضرب ياعيني لما
خلاص مات تاني ومش هيفوق
ولما دخلت اشوفو ده مين لقيتو هو
اخويا مرمي وسط الطين ياعيني جوه
من كتر الضرب والبراشيم بقا جثه
اخويا مات بشكل مهين ياه ع الخسة
ورغم اني انا مصدوم لكن فكرت
ده بكره عليا يجي الدور واقع ع الارض
ومن يومها لنفسي صحيت خلاص بطلت
ودي رسالتي لكل الناس يمكن تنفع حد
مهرجان قصه بوجي ابوالشوق 2025 بالكلمات مكتوبة كاملة من كلمات حماقي المكسيكي وتوزيع ابوالشوق تم طرح مهرجان قصه بوجي على القناة الرسمية على اليوتيوب بتاريخ ٢١ سبتمبر ٢٠٢٥ كوبليه كلمات مهرجان
- كلمات : حماقي المكسيكي
- توزيع : ابوالشوق
شاهد واستمع الكليب الرسمي لمهرجان قصه بوجي 2025 مع الكلمات مكتوبة كاملة
