تاريخ طرح مهرجان قصه سفاح الجيزه
١٢ سبتمبر ٢٠٢٣
كلمات مهرجان قصه سفاح الجيزه 2023
قصه سفاح الجيزه
القصة بدأت من زمان
سيطر على دماغو الشيطان
حلى في عينة فعل الحرام
يقتل يخطط يدفن قوام
واى حد قرب منو
اصبح ضحية وساح ف دمو
جمع الفلوس بقا كل همو
ابليس وطايح ومين يلمو
ضحك على واحدة اقنعها بيه
والي تعوزو دوغري تلاقيه
جواز عرفي عايشها فيه
حاطة املها بين ايديه
فهمها انه منتج كبير
انتي البطلة وف دور عظيم
والبنت حلمها كان تمثيل
لكنه كان كداب كبير
هتسافري بره على الكويت
قالتلو يلا قوام ياريت
لكن صعب محتاج شروط
اول حاجه تسيبي البيت
احنا ميعادنا عند المطار
ركز وشوف ايه الي دار
قابلها اه لكن قتلها
راح يدفنها في عز النهار
ده حتى صاحبه عشرة سنينو
ده جاي وراجع من اجل دينو
ينصب عليه ويظبط كمينو
يسرق اسمو والموت مصيرو
ده مش هيسكت لازم ابعدو
موت صاحبو وخفا جثتو
ده قطر شر الموت سكتو
عشان فلوس اجباري موتو
صاحب المصنع حبو و امنلو
خلا دراعو وكتفو الي منو
اسرار كتير بقا يعرفها
مكان عالي عندو وصلو
قرر يخونو الغدر طريقتو
لفق قضية قتل عشيقتو
راحلو السجن عشان يزورو
يقتل قتيل يمشي في جنازتو
في المصنع عمل ليه توكيل
جوا المصنع بقا المدير
والمكاسب دخلت حسابو
مش هو ده رد الجميل
كل الفلوس كوش عليها
حاميها هو اصبح حارميها
شيطان وعايش وسطنا
حياة الناس لعبة بينهيها
كان لي عمة زمان ربتو
من صغر سنو ياناس حبتو
فهمها انها زي امو
وارث عن ابوه شقتو
عمتو جاية عايزه ميراثها
وعدها انه هيجيب فلوسها
قام نايمها على سريرها
وبالمخدة كتم انفاسها
خلاص كشف امرو البوليس
قاتل بدم بارد رخيص
اعترف عن كل جرايمو
حكم الاعدام خلاص تنفي
مهرجان قصه سفاح الجيزه ابو الشوق 2023 بالكلمات مكتوبة كاملة من كلمات محمد الشاعر وتوزيع احمد شيكو تم طرح مهرجان قصه سفاح الجيزه على القناة الرسمية على اليوتيوب بتاريخ ١٢ سبتمبر ٢٠٢٣ كوبليه كلمات مهرجان
- كلمات : محمد الشاعر
- توزيع : احمد شيكو
شاهد واستمع الكليب الرسمي لمهرجان قصه سفاح الجيزه 2023 مع الكلمات مكتوبة كاملة
