تاريخ طرح مهرجان قصه وجع الحب
٠٩ أكتوبر ٢٠٢٥
كلمات مهرجان قصه وجع الحب 2025
قصه وجع الحب
هو ليه الحب اذانا
ليه مكنش جدع معانا
جوا بحر الشوق رمانا وهدنا
حب جاحد بكي عيني
خلاني اكره سنيني
ليه يا ذكرة تعذبيني ومتعبة
النصيب شاور عليا
جه وحط الجرح فيا
هيا ليه مبقيتش ليا بحبها
كلموني عن عينيها
اصل بلقي نفسي فيها
مهما تبعد مش ناسيها عشقتها
ياللي قولت الحب راحه
انت كده كدااب بصرااحة
شوفت ناس ياما مش مرتاحة
وقالو عنو عذاااب
ايوة ظلمهم
بعد ماحبو جه فرقهم
كانو ف حالهم هو سرقهم
اه والله عذاااب
لسه فاكر كل ذكرة
واتفقنا اشوفها بكرة
والضفاير والفوينكه وضحكها
يعني ايه الحب يكسر
يطفي حد كان منور
١٠٠ سوال عمال ادور علي حلها
جنب مني ناس كتيرة
بس كأنك الاخيرة
قلبي يسال كل ليله هيا فين
لما احس ان انتي شايفة
او بحالي وحالتي عارفة
القي نفسي برتاح وبهدا ويغمضلي عين
غصب عني
حاسس روحي بتطلع مني
عمري ماجه علي بالي تسيبني وتبقا ويا غيري
مش هنساها
لسه فاكرها وبتمناها
انا رتبت حياتي معاها امته بقا هتجيلي
قالو مهر وقالو شبكة
قالو قايمة وقالو دبلة
افهمو الحب امتة كان فلوس
اختارو بقا حد شاري
اصل وعد الحب باقي
شوفو مين عليكو باقي متستعجلوش
لسه فاكر الحكاية
زي ما تكوني معايا
مجاش في بالي ان النهاية
في بعدنا
كان علينا لايق هزارنا
والكلام في الفون سهرنا
ده احنا الاتنين خسرنا بعضنا
نفسي اشوفك
امسك ايدك واسمع صوتك
تنطقي اسمي كمان بحروفك
ده انتي وحشاني موت
هو نصيبي
اتحرم منك وتغيبي
حلم عمري انا ضاع من ايدي
وهو ده المكتوب
مهرجان قصه وجع الحب ابوالشوق 2025 بالكلمات مكتوبة كاملة من كلمات حماقي المكسيكي وتوزيع ابوالشوق تم طرح مهرجان قصه وجع الحب على القناة الرسمية على اليوتيوب بتاريخ ٠٩ أكتوبر ٢٠٢٥ كوبليه كلمات مهرجان
- كلمات : حماقي المكسيكي
- توزيع : ابوالشوق
شاهد واستمع الكليب الرسمي لمهرجان قصه وجع الحب 2025 مع الكلمات مكتوبة كاملة
