تاريخ طرح مهرجان كل سنه واحنا بلمتنا
٢٦ مارس ٢٠٢٣
كلمات مهرجان كل سنه واحنا بلمتنا 2023
كل سنه واحنا بلمتنا
ربنا ما يقطع سعادتنا
أحلى حاجه في الدنيا حارتنا
كلنا لبعضنا سالكين
قبل ما المغرب بيأذن
يلا نتجمّع يا مُسهل
بالعصير عالناس بنقدم
كلو بيشارك في الخير
لما رمضان هل علينا
رجعت الفرحه دي وسطينا
رد روح السعاده فينا
خلانا انسينا الاحزان
هو شهر واحد في السنه
خير وجايلنا من ربنا
ييجي ميخليش عكننه
شهر فرحه في كل مكان
بعد ما افطرنا بقا وقومنا
في الشارع تتلم اللمه
هو دا روتينا نظام يومنا
كل يوم لعب وتنطيط
بومب مع صواريخ وبنرمي
ولع السلك ويلا ارمي
بعد ما الوقت دا بيعدي
بعديها نصلي التراويح
النهارده في بيتنا عزومه
والحبايب هنا ملمومه
ناس كتير عندنا معزومه
ربنا يكتر عزومتنا
الكرم والخير بزياده
والوشوش مليانه بسعاده
ربنا ما يقطعلنا عاده
احلى حاجه والله لمتنا
السعاده في اللمه الحلوه
ربنا يكتر لمتنا
عالوشوش مرسومه الضحكه
والسعاده موجوده بزياده
بره للفجريه بنسهر
في الحسين ننزل نتسحر
يلا بينا كلنا نتصور
والوشوش مليانه سعاده
يلا بقا رمضان في حارتنا
ويا اهالينا وشلتنا
زينه مع فوانيس على بيتنا
فروع زينه في كل مكان
لعب كوره وقت العصريه
ضحك لعب هزار مراظيه
كلو فل وميه الميه
مفيش حد يا ناس زعلان
احنا لمتنا دي بالدنيا
يعني مش عايزين حاجه تانيه
ربنا ما يقطع لنا ثانيه
ولمتنا الحلوه تدوم
خدنا صوره كدا مع بعضينا
يلا حاجه للذكرى يا اخينا
ربنا بقا يديمها علينا
و ويا بعض نكون علطول
بعد ما افطرنا بنتجمع
اكلنا ونازلين عالملعب
ناس بتلعب ناس بتشجع
احلى حاجه دورة رمضان
بعد ما لعبنا وخلصنا
طلعنا عالقهوه وهيصنا
لما جيه الجون قومنا رقصنا
كلو كان مبسوط فرحان
صوم وصلا ذكر وقرأن
خير وبركه في كل مكان
في الشارع موائد رحمان
هي دي حلاوة رمضان
البيوت بالخير مليانه
والوشوش كلها فرحانه
ادعي ربك يلا معانا
أصل دا شهر الغفران
مهرجان كل سنه واحنا بلمتنا احمد موزه السلطان 2023 بالكلمات مكتوبة كاملة من كلمات محمود سوستا وتوزيع يوسف اوشا تم طرح مهرجان كل سنه واحنا بلمتنا على القناة الرسمية على اليوتيوب بتاريخ ٢٦ مارس ٢٠٢٣ كوبليه كلمات مهرجان
- كلمات : محمود سوستا
- توزيع : يوسف اوشا
شاهد واستمع الكليب الرسمي لمهرجان كل سنه واحنا بلمتنا 2023 مع الكلمات مكتوبة كاملة
