تاريخ طرح مهرجان لا للمخدرات
٣١ يناير ٢٠٢٥
كلمات مهرجان لا للمخدرات 2025
احنا اتكلمنا ف اللي فات
ع السوق الشرقي يا حضرات
ان الاوان وجه الميعاد
نقول لا للمخدرات
اخي الكريم لازم تفوق
الوضع كل يوم في سوء
خليك ذكي وبلاش تدوق
الكيف عدوك اللدود
بكلمك عشان خايف عليك
ابعد عن اللي بسموم باليك
عشان تملي علي الهلاك رميك
كلمه يااخويا طالعه منو فيك
اولها خطه حلوة بالكلام
تانيها شدة تبقي ف التمام
ثالتها خد هديتك جرام
مبروك اصبحت الان علي النظام
ترجع تقولو هات كمان
يقولك طب عايز بكام
اللي افتكرتو ابو الصحاب
يطلع ابليس ابن الحرام
ردك اكيد منين مفيش
هيقولك لا ميخصنيش
يفلوس يا اما متجليش
وهو دة اخر الكلام
ساعتها لو معكش اي مال
هتروح اكيد لسكه الشمال
هتقبل اللي جاي باي حال
عشان تغطي جرعه المزاج
وف لحظه واحدة يحضر الشيطان
يدخل بدخله يديك الامان
ويوهمك ويوعدك كمان
ماهو زيو زي صاحبك اللي خان
الطبع متغيرش فيك
بردو الشيطان قربتو ليك
ضحك عليك عما عنيك
واهي الاعراض بانت عليك
جسمك بدأ بالانهيار
عقلك داخل ع الانفجار
من كل ناحية ف حصار
كانك اترميت في نار
بصيت يمين ملقتش اي ديل
بصيت شمال لاقيت حلول كثير
بس خوفت تقبل البديل
وقلت لا سرقة مستحيل
فضل وراك يزن علي الودان
قالك خليك جريئ مالك جبان
قدام ضرورة تبقي مالحلال
عرف بسرعه يقنعك يا مان
صحيت البيت ف عز ليل
عايز فلوس لاعمل قتيل
متحول والتحويل كبير
واخواتك مش مصدقيين
عمال تقول كلام غريب
وابوك يقولك ياابني عيب
حب المزاج خلاك تخيب
تعمل عمايل شياطين
خت الفلوس ف ثانية واختفيت
جريت ضربت جرعتين هديت
ياريت ساعتها بردو اكتيفت
لا ما اكتفتش انك اتاذيت
لساك يا صحبي مش عايز تفوق
مكمل الطريق واخرو موت
اتوضي وارفع الايدين لفوق
ادعي انت بس و ربك المجيب
قولو يارب الكون غلطت
يارب مالادمان تعبت
خسرت كلو حاجه ضعت
لاكن يارب ليك رجعت
لو عندك اية مالذنوب
هتوب ربك عليك يتوب
وابدأ علي الشيطان حروب
اصلك جربت و اتوجعت
مهرجان لا للمخدرات محمد الريس 2025 بالكلمات مكتوبة كاملة من كلمات ابو فرحه وتوزيع محمد الريس تم طرح مهرجان لا للمخدرات على القناة الرسمية على اليوتيوب بتاريخ ٣١ يناير ٢٠٢٥ كوبليه كلمات مهرجان
- كلمات : ابو فرحه
- توزيع : محمد الريس
شاهد واستمع الكليب الرسمي لمهرجان لا للمخدرات 2025 مع الكلمات مكتوبة كاملة
