تاريخ طرح مهرجان مش قادر اضحك
٢١ يوليو ٢٠٢٣
كلمات مهرجان مش قادر اضحك 2023
مش قادر اضحك لا انا اسف
عيني بتبكي ودمعي نازل
قلبي واجعني لا مش قادر
تعبت بدعي يارب يا ساتر
انا حبيت ومشيت بعمايا
اللي خدتو ضرب في قفايا
بقيت مريض ماشي بدوايا
لما وقعت مين كان معايا
ايه الي عملتو انا مش عارف
همومي زادت وحالي واقف
كلو يمثل الحب زايف
كلو ماشي عكس ومخالف
كل ما انام بتجيلي كوابيس
اشوف فيها الي باعني رخيص
دي الندالة بقا ليها ترخيص
جرح ف جرح ومفيش عزيز
بصحا مفزوع نص الليل
كتافي عجزت عن الشيل
كفاية هموم وجراح و ويل
اعدل يا حال كفاية ميل
بطلت كاسي بشرب ازايز
وجودكو جمبي لا مش عايز
مش عايز اعرف اي ناقص
ده في الخيانة تاخدو جوايز
هركب ريس واقفل قباضة
يمكن اموت وارتاح ببساطة
كل الكيوف بقيت بتعاطا
بحاول انسا بحاول اتراضا
انا انسان الناس كرهاه
الدنيا جاية عليه معنداه
من كتر وجعي وكتر ال اه
انا قلبي مات البقاء الله
دايرة غش ودايرة مصالح
مين غلبان بقا كلو قارح
كلو يخبط في غيرو طايح
الي جرحني انا مش مسامح
من كتر يابا الي بيحصلي
مضطر اشرب واسكر اعلي
اروح مكان ولا حد يوصلي
وانسا كل شيئ زعلني
حتى الانسانة الي انا حبيتها
دوبت فيها توهت في رقيتها
تعبت لاجل اني اطلب ايدها
بشتغل علشان شبكيتها
في يوم ما بينا دارت مكالمة
قالتلي كلمة كانت لي صادمة
جايلي عريس وعليه موافقة
فجأة الدنيا قلبت لضلمة
ازاي هنسا حبك قوليلي
وازاي تنسي حبي وحنيني
عشانك انتي طلعت عيني
واتعب واشقا بعرق جبيني
امشي يلا مجاتش عليكي
دي الفلوس بتغمي عنيكي
روحي معاه والله يهنيكي
وانا هكون سعيد بعديكي
خلاص بجد انا مش هبقا
في الندالة داخلين مسابقة
خدت درس وخدت علقة
كلو يمشي و بطولي بتبقا
مهرجان مش قادر اضحك ابو الشوق 2023 بالكلمات مكتوبة كاملة من كلمات محمد الشاعر وتوزيع احمد شيكو تم طرح مهرجان مش قادر اضحك على القناة الرسمية على اليوتيوب بتاريخ ٢١ يوليو ٢٠٢٣ كوبليه كلمات مهرجان
- كلمات : محمد الشاعر
- توزيع : احمد شيكو
شاهد واستمع الكليب الرسمي لمهرجان مش قادر اضحك 2023 مع الكلمات مكتوبة كاملة
