تاريخ طرح مهرجان نفس الأيام
١٢ أغسطس ٢٠٢٥
كلمات مهرجان نفس الأيام 2025
بتغير كل شويه وليا متين شخصيه
أنا مودي مهوش متظبط كل دقيقه بحال
وبمثل عامل ان أنا ثابت
متلصم كل حبالي دابت
تمثيلي بجد يا ناس هابط
علشان باين دمع عنيا
نفس الاحزان اللي بعيشها ونفس الايام
مبتتغيرش حياتي بجد أنا غير للأسوأ
موجوع أنا من جوايا ودايما قبل ما انام
لازم اعيط ومخدتي من عيني بتتغرق
مجروح أنا فيا مكفيني
متصاحب مع دمعة عيني
ويا نفسي انتي اللي بتاذيني
حبيتي الناس اكتر مني
والناس بيزودو اوجاعنا
دول كسّرو قلبنا وضلوعنا
مبقاش في غيرنا بيسمعنا
قربتي لناس بعدت عنك
خاصية رفض مفعله مش في التليفون
الخاصيه أنا عملها لكل الناس في حياتي
ببعد عنكم وبقيتو تقولو ان أنا مجنون
ده أنا اكون مجنون فعلا
لو اقول ان انتو خواتي
هبعد عنكو في اول فرصه
اصل أنا نفسيتي مش ناقصه
حكم غيابي في اول جلسه
بحكم على نفسي باعدام
اعدام علشان كنت صفيلكو
ومكنتش راضي اني اخسركو
ازاي أنا كنت بقدركو
افعالكم كات بنت حرام
بين الافكار متحاصر عندي أنا مليون فكره
وبشك في نفسي وخايف من كل الاحداث
أنا ميت اصلا مش مستني اني اموت بكره
أنا انسان عايش لكن عايش كده وخلاص
عايش لكن جوايا ميت
من الحزن أنا مربوط متقيد
وفي وقت جراحي كلو معيد
أنا افكاري كلها قتلاني
تفكيري السلبي بيهزمني
والجرح في قلبي محطمني
وكلام الناس بيقطمني
فبقيت انسان عدواني
بتغير كل شويه وليا متين شخصيه
أنا مودي مهوش متظبط كل دقيقه بحال
مش انسان سوي أنا عندي مشاكل يامه نفسيه
قافل على نفسي ومش عايز من حد سؤال
بتغير أنا كل ثواني
جوايا انسان أنا غيري تاني
وكرهت حياتي ماهي كرهاني
ليه الحب حياتي المؤذيه
وبمثل عامل ان أنا ثابت
متلصم كل حبالي دابت
تمثيلي بجد يا ناس هابط
علشان باين دمع عنيا
قولي وحشتك وابعتي ليا كلام في شات
وأنا هعمل نفسي اني مشوفتش
ولا ارد عليكي
أنا سايبك عندي ومعملتش اي بلوكات
زي ما اذتيني أنا هعمل كل اللي هياذيكي
مش هعمل اي بلوكات
وهعلق اي مسدجات
معتبر اللي مابينا ده مات
والميت عمره مايوم يرجع
مش عايزك ولا حتى اخوات
أنا كاره كل العلاقات
حبك جاب ليا أنا احباط
علاقتنا دي مكنتش هتنفع
مهرجان نفس الأيام أمين خطاب 2025 بالكلمات مكتوبة كاملة من كلمات احمد حمدتو والحان احمد حمدتو وتوزيع دولسي تم طرح مهرجان نفس الأيام على القناة الرسمية على اليوتيوب بتاريخ ١٢ أغسطس ٢٠٢٥ كوبليه كلمات مهرجان
- كلمات : احمد حمدتو
- الحان : احمد حمدتو
- توزيع : دولسي
شاهد واستمع الكليب الرسمي لمهرجان نفس الأيام 2025 مع الكلمات مكتوبة كاملة
