تاريخ طرح مهرجان اعوذ بالله من عنيكم
٠٧ يوليو ٢٠٢٥
كلمات مهرجان اعوذ بالله من عنيكم 2025
اعوذ بالله من عنيكم
بجد لا برافو عليكو
سايبين حياتكو وفحياتي
مربعين فيها برجليكو
بيحلمو يشوفوني واقع
فجأتهم لاقوني طالع
أنا سهم اسبق واجي أهاجم
احذر كلامي ياللي سامع
متجملناش ده جميلنا سبق
احنا اسرع من الخيل لو جوه السبق
احنا كلنا النبأ، انت تلم الشبك
كنت هتلحق لو اللي قبلك لحق
أنا صاحب صاحبو
انت صاحب قرشو
مش باكلها فردي مع اخويا نقشو
خشو بيتكو خشو
كولو يحمي وشو
ده احنا جبنا ملح
جوه عينكو رشو
مهما قالو قالو، لا مش شاغلنا
مهما عادو عادو، لا مش همننا
احنا اللي عملنا، نفسينا بايدنا
واللي يحقد فيكو، يبقى مش حاببنا
متديش الامان وحرّص
اقرب ماليك عليك يخلّص
خلي القريب زي الغريب
ما هو لو امنت مش هتخلص
كولو كلامو بالفلوس
كولو كلامو بالاساتك
ورق يغير النفوس
والسالك ليك معدش سالك
متحاربناش، وانت مش قدنا
مش لاقين اي حد جامد فيها زينا
انت تحزر مننا، احنا ميت قلبنا
مش بنخاف انت تخاف لما تلمح ضلنا
لا مترسمهاش، ولا متعشهاش
اه يا صوره تبان عيوبها تحت فلاش
هتشب تشب بردو مطولناش
احنا فوق فوق فوق انت متجبناش
مهما قالو قالو، لا مش شاغلنا
مهما عادو عادو، لا مش همننا
احنا اللي عملنا، نفسينا بايدنا
واللي يحقد فيكو، يبقى مش حاببنا
مهرجان اعوذ بالله من عنيكم اسلام شيندي - الحسن عادل 2025 بالكلمات مكتوبة كاملة من كلمات اسلام شيندي وكاستيلو وتوزيع توينز تم طرح مهرجان اعوذ بالله من عنيكم على القناة الرسمية على اليوتيوب بتاريخ ٠٧ يوليو ٢٠٢٥ كوبليه كلمات مهرجان
- كلمات : اسلام شيندي وكاستيلو
- توزيع : توينز
شاهد واستمع الكليب الرسمي لمهرجان اعوذ بالله من عنيكم 2025 مع الكلمات مكتوبة كاملة
