تاريخ طرح مهرجان الحكاية بدأت هزار
٢٨ أغسطس ٢٠٢٥
كلمات مهرجان الحكاية بدأت هزار 2025
الحكاية بدأت هزار
دب طخ مسكت نار
اتحاربت من الكبار
بس سندلت ووديت
الشارع خلاني فاقد
ليل نهار ع الناصية راقد
الذنوب كترت وزادت
في الشمال فجأة اتحطيت
لما ابقى على ايدي بني
اللي خاني جالي وحضني
النفوس كلبة فلوس
كله عامل نفسه مني
انتو جنبي ومش معايا
انتو جنبي عشان معايا
واللي قال سرك في بير
طلع صحفي بتاع دعايه
السلام بلد الاسود
لو خطأت هناك تموت
تلقى ماندو السني قصادك
يربطك وقتي في عمود
ماندو مكتوب في الهوية
سبع شارع اسكندرية
اوعى تندب ماندو السني
ماندو فرد بيقوم بمية
الطريق اللي انا فيه
غصب عني غرزت فيه
قالوا عني ده فيه وفيه
والواحد فيه اللي مكفيه
قالوا بقى شغال سليم
قالوا ضيّع ع الحريم
قالوا عايش في النعيم
قالوا بلعب بالجنيه
وقعوا حاولوا يوقعوني
كانوا فاكرين هيشطوني
نكشوا وما قدروش عليا
رشدوا عايزين يحبسوني
عملوا قعده وخططولي
كام شنب بيرقدولي
وانا داخل بيتنا الفجريه
امنا من سطحنا نزلولي
تحقيقات في استمرارات
حرزي كله مخدرات
والمحامي ما لقاش ثغرات
يعني دغري أنا لابس لابس
ده مؤبد ده كتير يا قاضي
حكم صعب لكني راضي
واحده اتجار مع تعاطي
جت فاتوره ولازم احاسب
اي واقعه وليها قومه
مش هموت عند الحكومه
جوه بره هعيش واتعايش
يعني مش هغلب في نومه
يا اللي حبستي فايده ليك
بكره هاجي اردم عليك
هي رحله مسيرها تحلى
ولما تحلى هاخد عينيك
من مكاني باعت جواب
للي واقفين في الدولاب
لما كينج اللعبه غاب
خدتوا مساحتكم براحتكو
ما تخافوش مني اتهديت
مش هبيع تاني اكتفيت
بيعوا واتشعلقوا في الصيت
الحرام عمره ما هيفيدكو
ياما انا اتغيرت لاجلك
هطلع ابرك تحت رجلك
همشي دغري وبالحلال
صلي يا مايا وادعي لابنك
وادعي ع اللي في يوم اذاني
واللي بين جدران رماني
وادعي ياما بإني اطلع
وما ارجعش المكان ده تاني
مهرجان الحكاية بدأت هزار كريم كرستيانو الغزال 2025 بالكلمات مكتوبة كاملة من كلمات تاكسلو وتوزيع امجد الجوكر تم طرح مهرجان الحكاية بدأت هزار على القناة الرسمية على اليوتيوب بتاريخ ٢٨ أغسطس ٢٠٢٥ كوبليه كلمات مهرجان
- كلمات : تاكسلو
- توزيع : امجد الجوكر
شاهد واستمع الكليب الرسمي لمهرجان الحكاية بدأت هزار 2025 مع الكلمات مكتوبة كاملة
