تاريخ طرح مهرجان العمر ضاع وانا في الضياع
١٦ سبتمبر ٢٠٢٥
كلمات مهرجان العمر ضاع وانا في الضياع 2025
عازف أورج يوسف أوشا
العمر ضاع وأنا في الضياع
ضاعت سنيني على ما فيش
لسه شباب والشعر شاب
قدام مرايتي ما بعرفنيش
أنا مش كده ولا شكلي ده
ده أنا كنت شاب جميل وطموح
بس الضغوط خلتني أموت
وبقيت عايشها حلاوة روح
نفسيتي اللي زمان كانت إجتماعية
ما بقتش زي ما هي
ده أنا صابني حالة نفسية
تشخيصها أموت زعلان
بعد ما كنت بحب الناس والقعدة
بقيت عاشق للوحدة
ما بقاش في حاجة مساعدة
إني أرجع زي زمان
أنا كنت إيه؟ باشا إبن بيه
والدنيا ماشية معايا فل
إدوني عين، الله المعين
خلت حياتي مرار وذل
عينكم عليا رايحة وجاية
كاميرات مراقبة، ما بتحلوش
ده إنتو متابعيني كده أكتر مني
لايف حياتي ما بيفوتكوش
ما كفاية شر وقر، سيبوني في حالي
عايزين إيه تاني يجرالي؟
ما بقاش في حاجة باقيالي
غير شوك ودبل الورد
حاسديني وأنا شقيان، أمال لو وارث؟
دي عيونكو عاملة كوارث
أنا كنت حملة وفارس
عينكو جابتني الأرض
صورتك في بالي، ساكنة في خيالي
تفاصيل ملامحك في عينيا
ما تفكريش بعدك هعيش
وإن الفراق سهل عليا
أنا مش ناسيكي وهموت عليكي
بس النصيب عمل اللي عليه
ده رأيي فيه
ده مش كلام في أغاني ومجرد حالة
ده يا حب عمري رسالة
أنساك والله محالة
أنا عمري ما نسيتك
مسيرنا يوم نتقابل تاني وألاقيكي
وعيني تيجي في عينيكي
ده إنتي ما جاش قبليكي
ولا بعديكي، هويتك
كل اللي فات كان تغفيلات
بس اللي جي أنا فايق فيه
هنسى العتاب، يعني اللي غاب
ما يجوز إلا الفاتحة عليه
آه قفلت بابي وهعيد حسابي
كله هيتعامل مثل بمثل
العين بالعين علشان بعدين
هتشوفوا واطيانة مع قلة أصل
أي حد داس عليا أو خد فرصة
وفاكرها كده بقى خالصة
ده أنا غلاوي ومش بنسى
ليك واحدة في الصندوق
هي هي مسألة توقيت
وأنا سنتي التبويط
وفي آخد حقي هزيط
مستني بس أفوق
مهرجان العمر ضاع وانا في الضياع كريم كرستيانو 2025 بالكلمات مكتوبة كاملة من كلمات باسم عوض وتوزيع يوسف اوشا تم طرح مهرجان العمر ضاع وانا في الضياع على القناة الرسمية على اليوتيوب بتاريخ ١٦ سبتمبر ٢٠٢٥ كوبليه كلمات مهرجان
- كلمات : باسم عوض
- توزيع : يوسف اوشا
شاهد واستمع الكليب الرسمي لمهرجان العمر ضاع وانا في الضياع 2025 مع الكلمات مكتوبة كاملة
