تاريخ طرح مهرجان انا مش عارف اوصف احساسى نفسى تكونى بتحبينى
٠٣ مارس ٢٠٢٣
كلمات مهرجان انا مش عارف اوصف احساسى نفسى تكونى بتحبينى 2023
انا مش عارف اوصف احساسى نفسى تكونى بتحبينى
انا مش عارف مالي حقيقة
بسرح افكر كل دقيقة
اصلك بنوتة حلوة رقيقة
شوفت في عينك ضحكة بريئة
من اول لحظة جمعتنا
وبدور بس على طريقة
نفسي تكوني بتحبيني
زي ما حبيتك وعشقتك
وانسى الماضى وصفحة جديدة
بدأت من اول ما قابلتك
وحياتنا نكملها وبنتنا
اسمها هيكون كده اسمك
مش عارف اوصف احساسي
اول مرة اكون مبسوط
عايز افرح اهلى وناسي
حبيبتي بجد عسل سو كيوت
رجعتلي حياتي من تاني
بعد ما كنت بجد باموت
كان مرسوم على وشي كآبه
والناس عايشة عادي بوشين
هيا الدنيا ملك و كتابة
وكله يدور ع الجنيهين
يوم هتعلي ويوم قلابة
بس اختار هتكون مع مين
كنت زمان مش عايش
غير علشان الناس في ضيقتهم
قالوا اتجنن وكمان طايش
مع إني بقلبي انا حبيتهم
كنت بطبطب كنت أسايس
ولا عمري افتكر إني آذيتهم
قولت لنفسي سيبك سيبك
الناس دايما بتجيب ورا
لما هيفضى في يوم كده جيبك
هتلاقي إشارة مخضرة
كله هيمشي وعادي هيسيبك
ايه في الخلق بس جرى
قولت يارب افوق م الصدمة
انا صاحي ولا انا بحلم
شوفت بعيني لحظة ضلمة
مش قادر استوعب وافهم
عمر الدنيا ما كانت ظالمة
لكن الناس عادي انها تظلم
سيبت العالم فترة لوحدي
اراجع فيها واعيد حساباتي
لو كل الدنيا بقت ضدي
مش فارق غير بس حياتي
وحكتليك كل اللي حصلي
وقلبي ما صدق إنه لقاكي
وادي حكايتي زمان والماضي
مش عايز انا تاني افتكره
بالمكتوب انا دايما راضي
واتعلمت انتوا اللي خسرته
ضيعت عمري على الفاضي
مش جايب تاني انا سيرته
عايز اكمل عمري الباقي
معاكي الصعب ده كله يهون
بنسى العالم وانا وياكي
وبيكي خلاص مابقيت مجنون
كل حياتي وعمري فداكي
هاتي بقى رقم التليفون 🤪
الفرحة بقت مش سيعاني
مش لاقي خلاص تاني كلام
بدأت تتحققلي أماني
وحلم حياتي مع الأيام
فجأة اتحقق والفرحة دي
خليتني افوق م الاوهام
هيا حياة وبتتعاش مرة
مش راح ابعد عنك ثانية
وطردت الكل خلاص بره
انتي وبس يا نور عينيا
مين غيرك يا حياتي في الدنيا
يبقى معايا يملاها عليا
اخر حاجه انا هاقولهالك
هاطلب منك كلمة وعد
ولا ابدا يخطر ع بالك
اي فراق او لحظة بعد
هاعمل اي حاجه علشانك
أصل انا قلبي حب بجد
ع الرايق وزعها وغنى
عمر ميمي على طول فوق
شندي مصر كتب أبدعنا
ويا ويلك كده لما يروق
المجال ده اصله بتاعنا
واللي جاي نوينا على موت
مهرجان انا مش عارف اوصف احساسى نفسى تكونى بتحبينى عمر ميمى 2023 بالكلمات مكتوبة كاملة من كلمات شندى مصر وتوزيع عمر ميمى تم طرح مهرجان انا مش عارف اوصف احساسى نفسى تكونى بتحبينى على القناة الرسمية على اليوتيوب بتاريخ ٠٣ مارس ٢٠٢٣ كوبليه كلمات مهرجان
- كلمات : شندى مصر
- توزيع : عمر ميمى
شاهد واستمع الكليب الرسمي لمهرجان انا مش عارف اوصف احساسى نفسى تكونى بتحبينى 2023 مع الكلمات مكتوبة كاملة
