تاريخ طرح مهرجان براحه يا هموم ( شكرا يا فلوس )
١٥ يوليو ٢٠٢٥
كلمات مهرجان براحه يا هموم ( شكرا يا فلوس ) 2025
شكرا يا فلوس
ده انا بسببك خدت دروس
ما بقاش في لا سلام ولا بوس
ولا يطمنوا حتى برنة
ده انا قلبي عشانك
بقى رافض حد يجي مكانك
نفسي أبدأ رحلة نسيانك
نفسي أنساكي بجد وأعيش
بالراحة يا هموم
هو أنا كل ما أنام وأقوم
ألقى في عيني دموع وغيوم
والشعر الأبيض زاد
الحزن أذاني
شكلي بيكبر قبل أواني
جراحي ودمعي أنا وأحزاني
عاملين على عمري مزاد
رغم الصراعات
دايما أبين إن أنا تمام
دي شكليات
حبة أحزان ودموع وآلام
أنا جوايا مات
أنا بعلن حالة الإستسلام
كل الحسابات
بتأكد موتي خلال أيام
شكراً يا فلوس
ده أنا بسببك خدت دروس
ما بقاش في لا سلام ولا بوس
ولا يطمنوا حتى برنة
قليتي في جيبي
فأنا بدأت أعيد ترتيبي
واللي في قايمة أخويا وحبيبي
حطيته في قايمة إستنى
مش باقي على حد
ما هو ولا واحد باقي عليا
مش طايق الأرض
جاضض من كل البشرية
بقى ضغط وفقر
إني أصرف من جيبي كام مية
شايفيني أنا قرض
والكل بقى طمعان فيا
ويا نفسي أنا آسف
علشان غلطان أيوة أنا عارف
كنت بشوف وأعمل مش شايف
وبعديلهم غلطاتهم
جيت ياما عليكي
وبراضي فيهم مش براضيكي
أنا سبب اللي بيحصل فيكي
بس أنا هكسب وأخسرهم
اللي بيوجع
إن أقرب حد سبب همي
مش عايز أسمع
أي مبرر يحرق دمي
أنا بتقطع
حاسس إن أنا ماشي ومتغمي
روحي بتطلع
أنا شكلي هموت في آخر فيلمي
قصرت في إيه؟
علشان تسيبيني وتحبيه
ده أنا فيا حاجات مش فيه
بس إنتي اللي ما قدرتيش
ده أنا قلبي عشانك
بقى رافض حد يجي مكانك
نفسي أبدأ رحلة نسيانك
نفسي أنساكي بجد وأعيش
قدمت السبت
وإتنين وتلات وباقي الأسبوع
قدمت الحد
لكن قدمت لعيني دموع
ما بقاش في ورد
بقى في بلوكات خلص الموضوع
ولا عايز رد
ولا عايز حتى يكون في رجوع
أنا إسمي غزال
صوتي بيرعبكو في المجال
أمجد الجوكر درامزه خيال
وأحمد حمتو سفاح كلام
أتقل إدارات
حسن الديزل من البابات
محمود يحيى واخد بطولات
وإسلام السني دول الأعلام
مهرجان براحه يا هموم ( شكرا يا فلوس ) كريم كرستيانو الغزال 2025 بالكلمات مكتوبة كاملة من كلمات احمد حمتو تم طرح مهرجان براحه يا هموم ( شكرا يا فلوس ) على القناة الرسمية على اليوتيوب بتاريخ ١٥ يوليو ٢٠٢٥ كوبليه كلمات مهرجان
- كلمات : احمد حمتو
شاهد واستمع الكليب الرسمي لمهرجان براحه يا هموم ( شكرا يا فلوس ) 2025 مع الكلمات مكتوبة كاملة
