تاريخ طرح مهرجان نو امان
١٩ ديسمبر ٢٠٢٤
كلمات مهرجان نو امان 2024
انا بيكو من غيركو اسمي فوق
ادمان وبيجري في العروق
بركب علي الساحة انا وبسوق
وانتو متفاجئين
انا اغيب الغيبة واجي وحش
اجرح في الكل متجرحش
بوقك تقفلو ميتفتحش
انت تطلع مين
كاتب علي كتفي نو امان
مهو صاحب عمري نفسو خان
كام درس في عيشتي علموني
انا مبقاش زي زمان
مع كامل عذري لصحاب
ملقتش صحاب غير الكلاب
نفسي في قعدتهم بس كارهم
ورافض اي عتاب
طبنجتي التسعة في الحروب تسعي
حاسب الطلقة حاسب اللاسعة
اوعي يلا تهري اوعي يلا تجري
يلا بينا عركة والحواري واسعة
مش بشوف فلته كله هنا خردة
انتوا كذا شوطة جاية في العارضة
احنا لو جينا دوسنا غطينا
اي سكينة حامية مش باردة
هلعب مع اي حد جولة
هتخطر اوي داخل الدولة
ويلكم بحضور اي عتاولة
الملعب واسع
الحظ لعب مع العيال
واتطورتو مع ديب سندال
فلبد الليلة من قتال
عمري ماجيب راجع
صايع بين نفسي مش ببين
انا اسمي الجاحد الحنين
دبابة بيسامح ويعدي
بس يخسر مش ممكن
عايش مجبور علي السكوت
بتعذب واعمل مبسوط
شاب ماللي بشوفو
مش باقي علي نفسي
مستني دوري في الموت
هنا متجيش تعمل حملاجي
لأحسن من الاصابات تشتكي
كلها يلا بتخاف من البابا
البابا دة عصام البراجي
في اسكندرية حروب شاملة
واي رقبة تصيع هتطير
سألنا البحر والرمله
مين الرجولة قالو حمو سميرة
قلبي ونور عيني اخويا شق
كان جنبي وانا طالعها زق
والنعمة مافي ما بينا فرق
واحد الشغلانة
اللي يعوزو يجي تحت رجلو
انا اخصم كوكب من اجلو
احنا اتنين عسل نتحبو
خلصانة معانا
كيف من ايام العبور
والجوب دة كوزبي مش بيور
اضحك علي غيري يا بتاع البني
انا حملة مش فرفور
عايز منضف تعالي ضم
انا جسيتك علشان اختبرك
بس انا هطلع ارجل منك
وهنضفلك صدرك
الموس القلة خطر الشلة
خلي اطفال عاملة جودزيلا
نص برشامة عاملة دوامة
قرش من ماما تظهر العله
احلي مسا لينا للي نال صبري
بيشقه علي رزقه واتنحل وبره
كلمته رجولة مشيتو بطولة
صعب في الدنيا يتقطع خبرو
انتي اللي انا قلبي شافها بلم
كان ساكت علشانك اتكلم
قالي اوعا تحلها يا معلم
وصاني عليكي
وانا قلبي كلامه لازم يحصل
علعادي اللي هيحصل يحصل
سجن الحب ضربني في مقتل
وعلاجي في ايديكي
اجمل احساس حصلي فجاءة
لما انتي عملتيلي المفاجاءة
احلف علي حضرتك ماتمشي
وخليكي معايا لأجه
روميو وجوليت في نفسنا
وصورنا بتحكي عننا
اجمل كابل في الوطن العربي
الناس كلها تشهد لينا
مهرجان نو امان شاعر الغية و اسلام كابونجا وكيمو الديب 2024 بالكلمات مكتوبة كاملة من كلمات شاعر الغية وتوزيع سانتوس تم طرح مهرجان نو امان على القناة الرسمية على اليوتيوب بتاريخ ١٩ ديسمبر ٢٠٢٤ كوبليه كلمات مهرجان
- كلمات : شاعر الغية
- توزيع : سانتوس
شاهد واستمع الكليب الرسمي لمهرجان نو امان 2024 مع الكلمات مكتوبة كاملة
